1

2015*北海道必買東西*小地勤的十大至愛手信*

小地勤點滴 於 2015-06-15 18:12:39 發表  |  累積瀏覽 1699

分類:玩具精品 長線旅遊 美容產品 飲品美食 ;地區:北海道,札幌,小樽

15.06.2015


小地勤回來了 ! 


準備係旅遊旺季既開始 , 小地勤亦暫時不會再飛 ! 下一轉 ? 最快也要等到八月吧 ! 因此 , 小地勤今次可以慢慢寫依個 " 2015 六月 北海道 自駕遊 " .


五月去完一次 , 六月又去一次 , 終於有少少心得 , 可以跟大家分享 . 以下係小地勤心中的 " 北海道必買東西 " , 一再令我依個慳妹忍唔到手 , 當然值得推介比大家 .


1. 威士忌

小地勤既另一半算係半個水貨人 , 搵旅費同賺錢係佢既目標 . 我既最大作用就係不停幫佢出機票 , 飛呀飛 , 買呀買 , 賣呀賣 . 佢搵到錢 , 我返工就可以更 Hea . 


2. 藥店必買

基本上成個日本都係藥店 , 小地勤無論係沖繩定係北海道 , 買黎買去都係依幾樣 . 當中有幾樣野沖繩總係搵唔到 , 所以一定要係北海道買 .


最近愛上用依個 , 有大粒都細粒裝 , 仲有熱同涼之分 , 價錢便宜 , 量又多 , 同事都很愛用 , 都有叫我幫買 .


頭痛藥不敢買了 , 不過感冒藥還有買 , 真的很不錯 , 每次去日本都會買回家看門口 . 喉糖兩款都很有效 , 不訪買來一試 . 坦白講 , 我自己都幾常去日本 , 用過好用先會再買 .


基本上每次日本都會買 , 小地勤手腳好乾燥 , 所以常常買不同品牌試 , 當然俄羅納英係最好 , 最值得買 . 化妝方面 , 小地勤一直都係用以下幾款 , 我不會不停試新野 , 好用抵買就不用想 , 每次都買佢地 , 實無錯 !


北海道限定 , 喜歡平 Mask 既小地勤又點會放過 . 佢仲有幾它款 , 當中我只會買 300 Yen 個款 , 反正功效差不多 . 大家也可以試下佢 400 Yen 既其他款 , 好用話我知 .


唔知點解沖繩唔見水之天使 , 佢好保濕 , 仲好大罐 , 最重要平 , 約 150 蚊 HKD . 小地勤喜歡用又平又好用既野 , 推介大家試下 . 想 Skin 好 , 保濕好重要 !


3. 100 Yen 店

其實成個日本都有 100 Yen 店 , 不過沖繩 , 大阪遇到既都係細細間 , 反而係北海道遇親都係大間 , 款式都比較多 . 今次仲見到成堆 Little Twin Stars 既 100 Yen 產品 .


文具亦好平 , 每件 100 Yen , 香港無可能吧 !


4. 富良野必買薰衣草產品 , 以下係店內人氣一 , 二 , 三 . 每件 500 至 600 Yen . 小地勤只買實用既東西 .


5. 函館朝市必買 , 真係好抵 , 那包帶子 2500 Yen , 札幌都賣 3800 Yen . 魷魚飯就買來一試及送人 , 有見到賣 1000 Yen 5 包 , 好抵買 !


6. 狸小路必買小吃 . 以下係小地勤每次都買 , 一再買就因為家人愛吃 , 這是我個人喜好 , 不過令一個慳妹一而再咁買 , 應該值得推介 .



 

 




7. 小樽必買音樂盒 , 最後小地勤放棄了那個相架 , 改買了首飾箱 , 雖然很普通 , 不過很實用 . 我用黎放結婚介指 . 而首音樂就係風之谷首歌 , 我也很喜歡宮崎駿的動畫 . 而另一個係送朋友的 .


8. 7 仔必買 , 沖繩無 7 仔 , 所以黎到北海道先買到 , 試過很好用 , 妹妹買了十多次 , 比我厲害 !


9. 西松屋及 Uniqlo 必去 , 家中有小朋友的 , 一家要去 , 好抵買 . Uniqlo 買夠 11000 Yen 先可以退稅 , 所以我又買了很多 . 最近小朋友都愛 Elsa 公主 , 所以一件買比姪女 , 一件買比 BB 女 , 等佢地出街穿一樣的 , 很可愛 ~


10. Outlet 必去 , 買了很多 , 全是衣服 , 半價再六折 , 一件 Element 既外套 , 100 蚊 , 比你 , 買唔買 . 一條短褲 , 香港賣 600 幾 , 個道賣 8000 Yen , 仲要買夠兩件全半價 , Yen 又 6 算咁 , 仲有退稅 ... 太多理由值得令我去買 , 哈哈 .


今次小地勤比上次收歛左好多 , 因為唔想再發生上次買到超重差點罰錢既經歷 , 所以寧可買之前諗一下 , 假如沖繩買到的 , 都先不用買 , 要買就買沖繩沒有既 .


提大家一下 , 其實千歲機場過關後全是免稅店 , 不會有買過 5001 Yen 先退稅既煩惱 , 假如大家係出面買唔夠 5001 Yen , 就不如入到機場先買 . 當然款式可能唔會太多 , 都只係一些基本野 , 如薯條三兄弟 , Royce 朱古力 , 六花亭等等 .


唔知大家心中既十大又會係咩呢 ?

鐘意SeeWide的分享,給我們一個Like吧!
  • 攻略日期:N/A
    攻略地點:北海道,札幌,小樽
  • 攻略時間:N/A
    是次消費:N/A
1人比"掂"
  • 羊羊 於2015-06-16 00:15:30 留言
    我在7仔買左好多支雪肌晶洗面膏,薯條3兄弟太搶手啦,無貨
  • 舉報 回覆
  • No.1
  • 小地勤點滴 於2015-06-16 01:02:46 留言
    原文由 羊羊 於 2015-06-16 00:15:30 發表
    我在7仔買左好多支雪肌晶洗面膏,薯條3兄弟太搶手啦,無貨
    機場禁區有 , 一人張買 5 盒 , 仲要係免稅 , 下次你可以考慮下返機場先買
  • 舉報 回覆
  • No.2
  • 林公子 於2015-06-16 02:10:10 留言
    人都癲
    1000 Yen 5 包 ............大阪賣緊600 1包.....我買左2包派人
  • 舉報 回覆
  • No.3
  • 林公子 於2015-06-16 02:11:44 留言
    今次小地勤都算買得狠喎,哈哈
    有咁多食的~~
    ROCYE我有一盒未食
    富良野毛巾我有一條,用完洗完唔見左囉....
  • 舉報 回覆
  • No.4
  • 小地勤點滴 於2015-06-16 02:16:52 留言
    原文由 林公子 於 2015-06-16 02:10:10 發表
    人都癲
    1000 Yen 5 包 ............大阪賣緊600 1包.....我買左2包派人
    我買左 1000 Yen 4 包 , 買完就見到 5 包 ...
  • 舉報 回覆
  • No.5
  • 林公子 於2015-06-16 02:17:45 留言
    原文由 小地勤點滴 於 2015-06-16 02:16:52 發表
    我買左 1000 Yen 4 包 , 買完就見到 5 包 ...
    睇真D你呢D細隻裝,派手信OK啦
    我買特大SIZE 成隻手掌咁大,我朋友連佢D貓都勁興奮
  • 舉報 回覆
  • No.6
  • 小地勤點滴 於2015-06-16 02:19:05 留言
    原文由 林公子 於 2015-06-16 02:11:44 發表
    今次小地勤都算買得狠喎,哈哈
    有咁多食的~~
    ROCYE我有一盒未食
    富良野毛巾我有一條,用完洗完唔見左囉....
    我今次比上次收歛左啦 , 上次買得仲多 , 不過上次既都未食完 , 今次正係買返已經食左個 d
    平日我太少 post 買野相 , 其實我都買好多 , 特別係唔洗自己攞野既時候
  • 舉報 回覆
  • No.7
  • 林公子 於2015-06-16 02:20:11 留言
    原文由 小地勤點滴 於 2015-06-16 02:19:05 發表
    我今次比上次收歛左啦 , 上次買得仲多 , 不過上次既都未食完 , 今次正係買返已經食左個 d
    平日我太少 post 買野相 , 其實我都買好多 , 特別係唔洗自己攞野既時候
    你買得多,但你話有時係派嘛~~
  • 舉報 回覆
  • No.8
  • 小地勤點滴 於2015-06-16 02:24:40 留言
    原文由 林公子 於 2015-06-16 02:20:11 發表
    你買得多,但你話有時係派嘛~~
    派人就好似多多都唔夠 , 兄弟姐妹太多 , 仲有未來奶奶個邊 ... 最後自己無份食
  • 舉報 回覆
  • No.9
  • 林公子 於2015-06-16 02:25:38 留言
    原文由 小地勤點滴 於 2015-06-16 02:24:40 發表
    派人就好似多多都唔夠 , 兄弟姐妹太多 , 仲有未來奶奶個邊 ... 最後自己無份食
    下次去沖繩算啦,近好多一樣係日本,哈哈
    沖繩去到悶,但純買野過引都OK
  • 舉報 回覆
  • No.10

最多能輸入300字

累積瀏覽 447413

全部攻略 710

全部回應 4283