小編以前人細鬼大，中一中二開始已經自己修眉，
但係修眉時完全唔知道咩眉型先岩自己，亂修一通。
時至今日，小編發現自己有高低眉問題，但完全唔知道點樣修眉先岩自己。
歐亞美創專家指，眉唔可以亂咁修，唔同既面型都適合唔同既眉型架，
各位同小編一樣唔係太識修眉既sis要留意喇﹗
1.標準眉
標準眉算係最common既眉型。
修眉時要注意，呢種眉型既特點係佢有明確既眉頭、眉峰、眉尾既位置。
歐亞美創專家指，呢種眉型比較適合橢圓臉或圓臉，而長形臉就唔係係太適合喇。
2.一字眉
受到韓劇同kpop等影響，依家愈來愈流行韓式一字眉。
呢種眉型本身較為平坦，弧度細。
如果各位sis想畫韓式一字眉，用眉筆填補眉毛空隙時記住唔好用太實色既眉筆，
而眉頭既位置顏色要較淡，唔係就會變左蠟筆小新架啦。
歐亞美創專家指，一字眉比較適合長形瞼既sis，而圓臉就冇咁適合喇。
3. 上揚眉
畫上揚眉時，要注意眉峰既角度要較柔和，要避免畫得太尖太生硬。
而由眉中間到眉尾畫時，線條要慢慢減細，唔係就好易變「關公」。
歐亞美創專家指，上揚眉型比較適合方形瞼，圓形臉就不太適合。
聽完歐亞美創專家既分享，各位sis記住根據自己既需要去選擇唔同既眉型~
資訊由歐亞美創國際容貌創造協會提供。
