Ah Bee 一直認為係日本咁多護膚品牌入面
資生堂可以話係最出名, 亦都最多人熟悉
品牌旗下既支線, 可以話多如流星
每家每戶都總會係屋企搵到資生堂既產品
而AquaLabel 就係其中一個資生堂旗下既牌子
產品價錢不但平易近人
品質更加保留住品牌既一貫水準
天氣乾燥既時候, Bee媽都鍾意沖蜜糖水Ah Bee享用
既可以潤喉, 又可以護膚,
所以蜂蜜可以話係女士既恩物
近日AquaLabel 就推出既蜂皇活膚精華
以豐富既蜂皇漿成份為賣點
仲有雙重透明質酸,
集補濕滋潤於一身
蜂皇活膚精華 $199 / 30ml
賣點:
活化細胞, 提升緊緻
![]( "P1460663")
主要尊貴護膚成份:
♥ 發酵蜂皇漿GL
♥ 高麗人參精華GL
♥ 「高密度水潤配方」
♥ 雙重透明質酸
蘊含豐富發酵蜂皇漿GL, 透過獨家發酵技術
成份比較就變小, 可以極速滲入肌底，
活化每個細胞, 更新肌膚，提升緊緻
![P1460664]( "P1460664")
配合尊貴高麗人參精華GL、雙重透明質酸，
為肌膚補充大量水份,
同時源源灌注高效修護滋潤成分，
令肌膚綻放青春魅力
AquaLabel為資生堂旗下品牌
made in Japan
![]( "P1460668")
![]( "P1460672")
蜂皇活膚精華滋潤度及補濕度極高
觸感豐盈柔滑，更散發清新玫瑰花香
![]( "P1460678")
玻璃透明樽身,
可以清楚見到蜂皇活膚精華既顏色及份量
早晚使用化粧水後，泵2次份量塗勻全面
如果覺得唔夠既話, 可多泵1次份量，
搽係你認為乾又或者需要特別護理既位置
淡黃色既蜂皇活膚精華
液態既質地帶少少gel狀
仲有好香既玫瑰花味道
容易推開及推均
滲透力及延伸性強
只係需要推開打圈
精華就會係10秒入吸收晒
近日因為天氣太凍
Ah Bee 又因為感冒而不停咁睇醫生& 食藥
攪到d 皮膚好差, 而且仲好乾添
所以一定要用好滋潤+補濕既skincare先得
Ah Bee係使用之前
曾經瀏覽過Aqualabel既website 喥
見到有個使用方法既小提示
就係配合手掌由下向上動作
塗勻全面並均衡按摩, 提升滲透力和彈性
想有緊緻效果既sis可以跟住做喇
首先講講搽上面既感覺喇
Ah Bee 覺得搽上面既質感同搽上手既有少少分別
搽上手時, 你會覺得好清爽
但搽上面後, 就會覺得有少少黏笠
不過黏笠感覺唔強烈, 過一陣就會消失～
Ah Bee完全唔覺有honey既味道,
但就有好香既玫瑰花味~
Ah Bee 覺得蜂皇活膚精華好滋潤
搽上面打3個圈, 就已經完全吸收晒
將精華素既養份帶到肌膚低層
即時會feel到面珠位置有少少緊緊地既感覺
毛孔亦有收細既跡象
另外, 值得一讚既係, 皮膚既粗糙減少咗好多
由之前有少少甩皮, 同埋膚質有d "鞋"
到依家變番軟熟 & 有番光澤
嗰種演變真係令Ah Bee 覺得好開心
以開架既產品嚟講
Ah Bee 覺得Aqualabel 真係一個唔錯既選擇
以平易近人既價錢, 就可以買到蘊含尊貴成份
(e.g. 發酵蜂皇漿 & 高麗人參精華) 既護膚精華
仲要由資生堂出品, 有信心保證, 實在叫人興奮~
