探險家攻略 > 美容扮靚 > 化妝 > 【♥ bareMinerals到港 ♥】一隻唔使卸妝既化妝品

【♥ bareMinerals到港 ♥】一隻唔使卸妝既化妝品

由 Monbeebee 於 2011-10-13 13:00:35 發表 | 累積瀏覽 321

分類：化妝

近日成為全城熱話既化妝品牌 bareMinerals,
將會係10月隆重登場, 同大家Say Hello 喇~

如果對品牌陌生既朋友,
就等Ah Bee 嚟介紹一吓喇~

係美容界得到高度評價,
源自美國三藩市既Bare Escentuals ,
係礦物質化妝品既先驅，
品牌對於產品有一份執著,
堅持採用最優質既材料製造
而bareMinerals 就係指持久既礦物化妝品

今次既發佈會係淺水灣舉行,
會場內外都以桃紅色做主題顏色,
好girlish style

cocktail 開始, 大會安排咗好多好細緻既figure food俾大家品嚐~

等Ah Bee 都拎杯pink lady 影下相先~

bareMinerals 以"Try, Belive, Love"為主題,
代表"改變肌膚, 就能改善自己",
先嘗試, 有信念, 為自己挑選適合自己既化妝品,
咁膚質就會改善, 變得更靚~

bareMinerals 既化妝品係唔需要卸妝,
只係用暖水洗面, 清潔既步驟就完成喇,
而產品採用最純淨優質成份,
即使唔卸妝睡覺, 都唔會對皮膚做成負荷及傷害
而且產品不含防腐劑及對皮膚有害既化學物質,
完全改善一般人認為化妝品傷害皮膚既全統concept

礦物粉底除咗顏色選揀多, 合共有12色之外,
就連面部修飾輪廓粉, 都有9隻色選擇,
大家一定可以揀到適合自己既顏色

眼影方面, bareMinerals 就有76隻色喇,
睇起上嚟有d 似粉狀, 但其實又有少少膏狀既眼影,
如果想顏色matt d, 取出小量眼影粉, 搽上眼簾就可以,
但如果想有銀底既效果, 只要係眼影粉上加水,
眼影就會出現銀色既效果,
呢個亦都係bareMinerals 眼影獨特之處

另外, 礦物胭脂, lip gloss, lip stick 當然唔少得喇~

化妝工具亦都唔可以忽略架,
要妝容靚靚, 好既化妝掃就一定唔可以少喇,
要揀選質地柔軟, 又得緊緊抓住碎粉既化妝掃就最好~

大會設有一個個小型既化妝間,
等大家可以試試 bareMinerals既各款產品^^

化妝師好細心咁為Ah Bee 揀選適合自己,
自然而又貼近膚色既礦物粉底
最後, 化妝師為Ah Bee 揀選咗"light",
色澤真係好自然呀 ^^

活動開始喇!!
首先由Rabee簡單咁講述 bareMinerals既背景歷史,
再由品牌既Key management 為大家講解品牌既理念,
bareMinerals 創辦人兼行政主席Leslie,
憑著一直堅持要令女性皮膚及生活都要變得更好既信念
掀起"彩妝也能成為護膚品"既理論,
成功將礦物粉底推出市場

之後就到彩妝示範喇, 今次可以親身見到星級化妝師Gary,
即場為大家示範使用礦物粉底既技巧, 真係好開心呀 ^^
Ah Bee 一直都覺得Gary 化妝技術好高,
手勢又純熟, 唔使幾分鐘, 就可以化到完美既妝容.

Gary話攞礦物粉既既份量唔需要多,
大約cappuccino 灑上既朱古力粉既份量一樣,
之後就用化妝掃swirl, tap去多出既粉底, 再buff上面

3個步驟: swirl (打圈), tap (輕敲), buff (柔掃) ,
就可以令粉底更加自然貼服~

大會特別請嚟Kary為大家分享使用bareMinerals後既心得~

原來Kary係 bareMinerals 既super fans嚟架,
仲話用咗bareMinerals之後, 皮膚好咗,
就算長時間使用, 都唔會傷皮膚添~

Kary 依家已經係bareMinerals既VIP 喇~

bareMinerals 除咗係紐約、倫敦、巴黎、三藩巿等地方有售,
10月份會正式登陸香港,
所以大會安排咗一個簡單而隆重既切餅及祝酒儀式~