♥ 講開Mioggi, Ah Bee 真係無晒心機,
有睇開Ah Bee blog 既sis, 都知道Ah Bee之前既事.
唔係話佢既產品唔work, 只係對Ah Bee嚟講起唔到好大既作用.
但近排推出咗Mioggi Luminous Hydrator (Platinum Edition)
Ah Bee 有2個fd 用完都話好正, 但Ah Bee真係唔甘心,
再俾錢Mioggi 賺, 所以, 周圍八卦睇下邊喥有得送, 結果終於有喇 ^^ ♥
♥ Luminous Hydrator (Platinum Edition) / 六角水極緻滲透霜（白金版）♥
白金版成個包裝都以銀色為主, 感覺都幾grand,
而外型上就無乜太大突破, 同舊有既六角水分團滲透霜² 差唔多,
樽身一樣係圓碌碌, 只係顏色由綠色變咗銀色
♥ 嶄新加入鎖水嫩膚因子的殿堂級補濕配方，
於塗抹間即時化為水珠狀，瞬間被肌膚吸收，
並有效將保濕、緊緻及亮白成分一併輸送至肌膚底層
♥ 深入改善肌膚暗啞、粗糙、皺紋、缺乏彈性及衰老等問題，
讓肌膚重新展現水潤健康
優質成分推介： ♥ 六角水、印度簕竹、白樺、磷脂質及異構寡糖 -
提供補水、保濕效能, 同時重整肌膚細胞韻律及修復組織,
形成持久鎖水保護膜, 能預防肌膚乾燥缺水, 達致長效保濕
♥ 腺苷及熊果素 -
雙重活肌成分, 能增強肌膚滋潤度及彈性,
減淡皺紋, 賦予肌膚自然亮麗光澤, 現年輕緊緻狀態
♥ 聚麩胺酸、庫拉索蘆薈及維他命E醋酸酯 -
強效抗氧成分, 有效擊退因歲月產生的各種肌膚問題如暗啞,
粗糙及皺紋等, 瞬間活化肌膚
♥ 使用方法 ♥
早晚於潔面及爽膚後，取適量滲透霜輕輕按摩全面及頸部，
直至轉化為水珠狀液體，並被完全吸收
「六角水極緻滲透霜（白金版）」可單獨使用或加插入任何護膚
程序，
以加強修護效果。適合任何肌膚
♥ Ah Bee之前都用過六角水分團滲透霜, 覺得兩者既質感完全相同,
同樣有清新既青瓜味道, 就咁望落去有D似豬油膏雪葩,
但觸感好輕身, 用隨有既小鎖匙取完適量, 輕輕推開,
滲透霜好快就變成水珠, 而且質地好爽, 不油不膩,
比起普通版既六角水分團滲透霜吸收得更加快 ♥
♥ 搽上面後, 輕輕推開, 豬油膏雪葩滲透霜就變成水珠喇,
感覺都幾水潤, 保濕 ~ ♥
♥ 雖然盒面寫明可以單獨使用, 但Ah Bee就唔建議咁做,
因為照以往既經驗, 單單使用滲透霜係唔夠架.
所以, 最好就當滲透霜係導入霜咁使用.
搽完之後, 再用番自己原本用開既精華素+日/晚霜.
咁成個步驟就完成 ♥
♥ 大約用咗5日左右, 皮膚明顯會見到滑咗好多,
粗糙感大減, 皮膚亦都變得水潤過之前,
但由於質地比較輕, 而且好快吸收,
所以Ah Bee覺得30g既份量好少,
用咗半個月, 已經無咗半樽,
30g既份量應該夠搽一個月左右 ♥
♥ Ah Bee 雖然對Mioggi 失去咗信心,
但呢隻係仍然好想推介俾大家用.
因為真係唔錯, 好work!! ♥
