是次消費：每人平均約HK$ 200.00
去完烘焙展,趕返媽咪到開細妹既生日party
攪party,當然又係我做大廚啦
不過今次比較簡單
叫左好多刺身
所以唔洗煮咁多野
叫左既刺身有..
每次必點既超大帆立貝同三文魚
海瞻蝦,依個麻麻地,隻蝦唔夠厚身,都無乜味
希靈魚,好味..夠晒脆
麵包蟹, very no good...完全無味...
海瞻,OK,不過好想夾舊飯落去..唔係好慣就咁食..kaka
睇完刺身,就睇下我今次煮左乜野?
因為係媽咪屋企煮,火喉樣樣都唔係咁識控制
所以出尼效果都唔係咁滿意呢
有焗薯皮...薯仔煮得未夠淋....
面芝士又焗得未夠金...
卡邦尼意粉...我竟然忘記加牛油.....
啲粉浸住又忘記理佢..攪到淋晒,本來佢個樣係蝴蝶同....
啫啫(男性器官個個啫啫...kaka..真係架..係細妹係意大利買返尼既..
只係不幸地比我煮到斷啫........kakaka..笑死)
細妹話party一定要有菠蘿腸仔...係由悠悠串好架...幾有天份 ^^
凱薩沙律配紅酒醋汁
仲煎左兩塊牛扒,屋企人怕食生,所以煎得熟咗啲..
幸好都係淋既..不過老公話唔like...
係烘焙展買左個天然酵母既田園包
返尼我仲煮左個香草蒜蓉牛油去烘多士
點知掛住玩,唔記得左
啲多士烘得太過脆硬....
仲唔記得影相添...
食飽之後,大家就玩下啤牌咁
等大家消化完就切蛋糕
不過我飽到唔記得影相了
今次我無自己整蛋糕
因為實在就唔到時間呢...
