19 JULY 2015(SUN)
我一向都好鐘意同小小豬嚟個親子廚房，所以當收到WeShare邀請參加德國寶親子烹飪班時，我當然係即刻答應，三口子齊齊去玩啦~
今次我地就係德國寶位於MegaBox五樓嘅陳列室內，係我地上課室仲係以全玻璃設計，好開揚同舒服。當然佢地入面嘅教材用具都好全面，俾上堂嘅學員任用呀~
嚟到就即刻換上小廚師服，加埋個POSE，型仔嗎~
大會仲送左本德國寶最新出嘅烹飪書《日式親子便當這樣做》俾我地每一位小朋友，其實...我之前都想託朋友入書展買依本書，因為成日都想同小小豬整啲得意食物玩下，諗住買嚟參考下。好在朋友仔唔記得，我又可以慳返少少啦...哈哈哈~
一收到本便當書，小小豬就急不及待要睇下整咩公仔啦~
其實入面真係有好多唔同花款，唔同配搭，今日導師仲示範左便當書入面嘅其中四款，真係好得意，相信我一定整得冇咁靚呀~
今日真係好熱鬧，因為好多相熟嘅朋友仔都一齊JOIN依個烹飪班，除左合照嘅魚子醬同Little K之外，仲有大仁嘅SY哥哥，真係好多朋友陪小小豬玩呀~
開始時整嘢食前就當然要洗洗手先啦~
依位就係今日教我地整嘢食嘅老師啦~
正當大家都好專心聽老師講解時，我地係左邊就睇到兩個小朋友嘅攪笑對話。原來兩位小朋友就各持己見，魚子醬就要整車車便當，小小豬就要整小鳥便當，總之就係一個唔俾佢整車車，另一個就唔俾對方整小鳥，超攪笑呀~
最後傾好晒就乖乖睇老師示範了~
老師示範完就到我地開始，大會都係我地準備好多食材，任我地拎嚟自創便當~
先煮好啲蔬菜先~
之後小小豬就好努力咁摵鵪鶉蛋~
同小小豬一齊佈置啲意粉先~
小小豬仲幫手將火腿剪成條狀~
我地嘅小鳥便堂大功告成啦~
雖然比起老師嗰個又真係差啲啲，不過總算係我地嘅製成品，所以都合格啦~
依隻為食豬係我地影完相嘅時候，就已經同我講話好肚餓要食意粉，但其實佢係嚟活動前已經好好晒嘢，真係俾佢激C。最後小小豬當然係即制即食啦~
不過有份整嘅便當，小小豬都食得特別開心同快手，可能就係那一份滿足感吧！
同場加映三隻毛毛攪攪陣~
其實我地三個原本係打算同SY哥哥及魚子醬三個小朋友一齊著住毛毛衫嚟整便當，不過可惜因為時間唔夠，所以我地就變左係活動完結時，借用教室小小時間及地方玩一陣啦~
哈哈哈...三隻毛毛真係好可愛又攪笑，只係有啲嫌時間唔夠，唔可以盡情咁玩，真係要搵個機會再約埋一齊開派對先得呀！
More Information :
德國寶開心廚房
Website：http://www.germanpool.com/
Facebook：https://www.facebook.com/GPHappyKitchen?fref=ts
