位於新開五星級酒店內，地方寬敞，落地玻璃，高樓底，時尚鮮艷裝潢佈置，環境一流﹗不過，星期六tea time，僅得3成入座率，小妹都覺奇怪。食完，先知箇中理由﹗
![尚廚的相片 - 將軍澳)]()
食物款式少不在話下，大部份係廉價貨色，以炸物居多，如炸雞翼、炸魚柳、炸春卷、炸薯條、炸蝦膠多士等。炸物夠脆夠香，長期供應。薄薄三文魚多士一出就清晒，手快有，手慢就冇。另一款碎蛋多士數量就較多。煎餃皮脆肉嫩，叶道OK；燒賣味怪怪，咬一口就放棄。沙律吧配料不多，兩三款；壽司鬆鬆散散，又無三文魚，故無食到；尚有即叫即淥粉麵提供，配料選擇亦不多。
![尚廚的相片 - 將軍澳)]()
甜品選擇屈指可數，木糠布丁唔滑唔好味，窩芙唔夠脆又無蛋香，難吃﹗甜品係Haagen-Dazs雪糕，但不是杯裝﹗
![尚廚的相片 - 將軍澳)]()
以咁的價錢，午市及茶市自助餐選擇多的是。
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
