鮮入圍煮‧最緊要新鮮

原諒我食極都係打邊邊XD

今次就去左間少有名氣既「鮮入圍煮」，試下係咪真係名不虛傳。

呢到最大賣點就係「夠新鮮」，旁邊十足街市咁既怖局，每日最新鮮既食材會係4/5點買到上黎，師傅現場切肥牛拎俾你，真係好似係街市點完餸就坐底打邊邊XD

除左個樣，內涵都好緊要‧

呢到最出名就係原隻雞煲花膠湯。

聽聞煲就唔難，但好考心機時間。

又香又濃既雞湯底用黎，花膠大大舊。

我飲左三大碗，未打邊邊已經贏左半場。

師傅係旁邊切好拎過黎既肥牛，見到都覺得值回票價啦：）

海鮮堅新鮮，螺片爽口，桂花蚌同珊瑚蚌彈牙又唔腥。

加埋個正爆雞湯底，咁樣打邊邊真係無得頂!

重點以外既食材唔算特別，但都Keep到新鮮，墨魚滑彈牙又有魚味。

雞子我係咁而試左粒，但原來又唔難食架喎：）

唯一既菜類係粟米，哈哈，我地成班食肉獸。

Well~食到好飽!

大家一齊答問題XD