係天后品嚐完美味既漢堡後，又黎到甜品時間。其實天后真係頗多甜品糖水店，甜姨姨、天后甜品、甜品老媽和晶晶甜品等，但突然又好想食窩夫，前面個幾間又唔見有供應，所以行行下見到「殿糖級」竟然有售賣窩夫，諗都唔諗就決定入去。
9點多人流不多，店子的格局以桃紅色為主，感覺新派；牆上又貼了很多報章雜誌報導，據說這裡的甜品有酒店級水準、星級甜品等的字眼，賣相又精緻，心想應該不會太差吧?
看看餐牌，選擇也滿多，像窩夫，西式甜品、雪花冰、中式糖水、滋潤糖水，應有的都有。
友人想食梳乎里，便決定點一個。光是梳乎里也有數款味道，像士多啤梨、芒果、朱古力和薑汁等，不過為怕中伏，還是要原味較穩陣。
原味梳乎里 $35
以這價錢來說還頗抵食的，黎到的賣相也算不錯。
.
.
.
.
.
.
但想不到轉頭講完賣相不錯，想不到下一秒就變左...「餐包」。
(要講講兩張圖都係完全無食過既情況下影低的。)
個梳乎里竟然可以十分乾脆地同個器皿完全分離左，又漏晒氣咁，唔知想點!!! 呢舊咁既野竟然可以叫做梳乎厘，咁既樣真係第一次見，雖然就黎萬聖節姐咁都唔係嚇人吧?! 真係睇到都唔開胃..
好彩店員肯同我地cancel左佢，佢自己望到都係度笑..
再黎小妹想食的法式鮮雜果窩夫配雪糕 $46，賣相頗豐富，配上dreyers石板街雪糕。
主角窩夫屬於薄身那種，淋上了朱古力醬、煉奶和蜜糖醬，咬落很乾身、不熱又沒有蛋香.....很差! 幸好還有雪糕和生果可以食。
好耐無試過一間咁差既糖水店，難道這樣就是所謂的酒店級水準? 太伏了吧!
殿糖級
地址: 天后電氣道66號地下
電話: 2512 6881
營業時間:
星期一至四: 15:00-01:00
星期五至日: 15:00-02:00
================================
(喜歡的，請按讚支持，是給我很大的鼓勵啊 ![]()
)
============================================
感謝 糖小妹 提供以上資料
糖小妹的網誌: http://concon2016.blogspot.hk/
============================================
