又是去見私家醫生的時候 (這時為7月初)~ 今次約了11點半, 之後同朋友有聚會, 去酒樓飲茶, 希望唔會等得太耐啦~
量了血壓同體重, 仲有驗小便, 應該正常掛, 比之前重了0.5kg, 雖然不算好多, 不過有重到都開心, 因為上一次磅重係輕咗架~
未輪到自己, 就落去周圍行吓~ 雖然一陣去飲茶, 不過依家唔食啲嘢驚太肚餓, 既然有免費禮劵, 於是去了Starbucks吃了份蘋果批~ 老公就叫了一杯花果味奶茶~ 個人覺得蘋果批味道唔錯, 如果可以再叮熱啲就好啦~~ 至於杯茶, 個人都覺得唔錯 (偷喝了一點~~), 不過老公就話麻麻哋~
等了大約1.5小時, 終於輪到我們啦~ 在超聲波見到bb又大了不少, 醫生又給我們看看不同的位置, 例如頭、腹部、大腿等, 又告訴了我們bb的性別~ 不過暫時留點神秘感, 提到結構檢查時再告訴大家, 因為到時的結果應該更加準確~
近來感覺上算順利, 沒有太多不適, 而且自己吃materna冇便秘, 反而令自己少了肚瀉~ 不過materna都幾難吞, 魚油丸大粒啲都可以飲少少水就吞到, materna就好多時要幾乎半杯或大半杯水先吞到, 每次食都好小心~ 另外有食鈣片, 因為其實materna加鈣片的鈣計埋都冇1000mg, 所以自己都有幾乎日日飲盒牛奶或鈣c寶, 希望可以吸多啲鈣質啦~
今次醫生手頭上有一堆相簿贈品, 知道我未有就送咗一本俾我~ 雖然頁數不多, 不過設計都算精美~~ 可以用來入住手上的超聲波照片同之後照結構的光碟了~
因為下個月會去見另一個醫生進行照結構, 所以幾乎2個月之後先再同黃醫生見面啦~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
