咖啡拉花班

唔知係唔係公司 turnover 太勁，為咗竉賂人心，經常都有唔同既興趣班。今次有一個拉花咖啡班，每位＄188，但全數公司出，報名抽中就有得玩，都幾爽。7點半要去到觀塘工業大廈內 上堂。反而準時係有D難度，唔想搭地鐵，估唔到等小巴要等咁耐，去到都7點9啦！課堂已經開始緊，不過都係介妱點樣拉姐，仲要係未有料，只係介紹一開始要 落邊點，另一隻手點樣握杯，落咗奶後隻手點移動等。講解完，用埋圖顯示，有埋加工片介紹，到我哋學員示範。雖然全部都係同一幢大廈既同事，但唔係做咗好耐 既我，真係唔係好識。不過報咗名都會嚟玩，如果唔係要自己俾返錢出嚟。

全班二十個人，圍住一齊。每人既枱面上都有露營火爐、鋁杯兩隻、溫度計、咖啡杯兩隻，攪奶器。一開始要攞3分2個鋁杯鮮奶先，然後煮熱。當溫度計顯示為60 度左右，就可以熄火。之後放入攪奶器，大約20吓左右，奶入面已經有氣泡，於是將其中一半放入另一鋁杯上。而呢個時候，兩隻咖啡杯都放咗一匙朱古力、或者 美淥。開始將加熱既牛好倒入杯內。嘩！好鬼難，點可能隻手仲識搖，D奶又點解變咗泡，攪咗杯Cappuccino 出嚟架！雖然唔靚，不過都係食得既材料，照飲。噢！原來好好飲，可能落咗

咁多奶，加上嗰朱古力又甜。
洗完杯，又再嚟過。

前前後後玩咗十至十二杯，二十人每人應該玩咗4分3包一公升奶。杯杯玩完就倒咗去洗，真係好浪費。下次都要唸吓嚟唔嚟再玩，真係一件好浪費食物既事。

最後要靠老師控制我隻手，我先整到一杯似樣D既拉花。

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/