我在朋友或親戚間不算最早有孕, 於是其中一個好處就係接收不同的二手物品, 例如有關懷孕、照顧bb的書籍~ 最初都諗緊需唔需要買書, 後來不知不覺已經收到十幾本書, 而且去圖書館都可以借到不少有關書本, 所以可以省錢啦~ 亦要謝謝所有送書給我們的親戚、朋友和同事~~
暫時看了以下幾本, 仲有好幾本等緊我~~
這本是醫生送的贈品, 這個媽媽會的會員都會收到這本書, 同事之前又送了一本舊版的給我~ 個人覺得內容簡單但有談到懷孕各個重要事項, 例如BB的發展里程、日常生活注意事項等, 而且圖畫都幾精美, 唔錯架~
這本由42位婦產科醫生分別撰寫不同與懷孕有關的知識, 我看的黃醫生都寫了其中一篇~ 都係由懷孕前寫到生產後, 每個題目2至3頁, 深入淺出, 都不錯~
這本就由一位媽媽寫的, 由她的角度去解答懷孕不同的疑問或提供有關的知識~ 感覺上都幾有共鳴, 因為作者同讀者身份一樣, 就會覺得她所講的幾有道理~ 但其實內容與上面兩本書大同小異的, 除咗多了有關BB出世後的一些照顧事項~
這本應該都係贈品書~ 相對美X佳兒那本育兒書 (是另一本, 藍色的), 這本就薄了一點, 內容也較簡單~
這本就喺圖書館借來看的~ 是台灣出版, 不過入面有關懷孕的知識都有用的, 例如小心早產的一些跡象, 又有一些孕期運動介紹~ 它的重點其實是入面的孕婦食譜, 不過個人就唔係幾鍾意入面的食物, 又或者奇怪點解仲可以食呢啲 (例如教人整抹茶果凍, 但抹茶似乎感覺上比較寒涼…)~
這本是美X臣的贈品書, 又係不知不覺收到3本~~ 內容都係比較簡單, 但勝在設計與內容編排都唔錯, 容易看的書~
這本比較舊, 而且入面的圖文都是雙色的, 吸引力差一點, 不過內容其實都唔錯, 起碼易看易明~
這本就好有份量, 大大本, 而且內容比起上面任何一本都要多及仔細, 不過因為是翻譯本, 所以有些內容適合外國情況 (例如在家分娩), 未必適合香港的情況~ 不過既然不需用錢就有得看, 多看也是無妨~~
胎教的書也有看, 暫時看了這2本~ 兩本書都有提到不少要點, 例如媽媽要經常保持愉快的心境, 將開心、正面的訊息時常傳給BB知道~ 媽媽要溫柔地與BB溝通, 當然爸爸也可以參與~ 媽媽亦要汪重營養吸收, 例如多吃健康的食物~
個人覺得七田真那本比較全面, 例如提議可以多點與肚中的BB說話、聽歌之外, 亦有提到透過不時向BB灌輸「安全、順利出世」的思想, BB真的可以做到~ 另外又可以多與BB隔住肚皮玩遊戲, 例如拍拍肚子, 等BB又踢一下, 來來回回的練習, BB可以學識當媽媽/爸爸拍肚子時就回踢~ 又或者將圖片放在肚前面一點距離, 媽媽再用念力想像圖中的情境給BB知道, BB就會「看到」圖片~~不過每日一齊玩的時間不可太多, 10分鐘已經足夠, 因為BB會覺得累~ 如果想知道更多內容, 可以看看下面的網站, 已經收錄了不少重點內容, 大家可以參考~ 希望自己盡量每天都可以做到啦~
http://ivy0935.pixnet.net/blog/post/273699113
其實個人都係唔想浪費他人的心意, 所以本本都會看, 實際上可能只要看其中幾本, 已經有豐富的懷孕知識了~~ 大家有興趣的可以揀有興趣的來閱讀呀~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
