0

雷頌德Thank You 音樂會

vi老篤日記 於 2013-06-22 14:39:47 發表  |  累積瀏覽 611

分類:演唱會 ;地區:紅磡
聽唔少雷頌德既歌,因為我愛黎明及陳慧琳。一見到張poster,就要去撲飛啦!

我張飛寫第四行,當然前面仲有幾行,不過正中間,其實好ok。 一開場係有班小朋友出嚟,又跳又唱咁唱咗幾首經典歌。之後真真正正出嚟唱第一首歌既係陳曉東加陳慧琳,當然就係打開天空啦!不過坐係正中間既我,只係對住 雷頌德,啲歌手只背脊對住我哋!唉!攪到我完全影唔到陳慧琳 - 佢條白色裙啊。佢哋只係唱咗一首歌就落返台,但攪笑位係可能握手未及返埋嗰角位,後尾陳曉東係咁捉住Kelly 跑埋去,Kelly 完全追唔到。



之 後到big four 既三個出嚟!之後雷頌德就講嘢,接住就有rubber band 及應昌佑。跟住好似又係陳曉東唱借借你肩膀,仲話跟住一齊唱,吓,會識咩。跟住就有楊千嬅,估唔到有佢,仲唱咗三首歌。唔係,仲加多半首同梁漢文唱滾!之 後梁漢文就唱七友。之後仲有方力申加鄧麗欣,鄧麗欣條裙好白,仲要有少少娘味。咁當然仲有側田。以歌手嚟計都幾多嘉賓。不過雷頌德其實太多嘢講。每個歌手 出嚟都要同佢講吓嘢,就算唔係,自己又行出嚟講吓。真係悶到爆。跟住接住既嘉賓有古巨基、李治廷、衛蘭、蘇永康、盧巧音、許志安、倫永亮、JW。最特別應 該算係有羅敏莊既挑戰者。雷頌德仲話佢唱得好,只係缺少咗運氣,不過而家有好老公,有個小朋友都係另類幸福。但你問我,我雖然覺得佢係唱得好好,但太刻意 啦!攪到好似葉麗儀上身咁。

終 於去到重組 Dry,有馮德倫既出現,全場 high 爆。再同陳慧琳唱紀念日,真係世紀合唱。陳慧琳繼續唱誰願放手、風花雪。正爆啦!女歌手既壓軸好明顯係陳慧琳,期待以久既黎明終於出場啦!唱情深說話未曾 講及或許、未必、不過。當大家以為演唱會接近尾升既時候,點知一輪快歌開始。首先有JW,之後就陳慧琳啦!大日子、花花宇宙,同埋失憶周末。估唔到仲有黎 明出嚟唱快歌,全日愛同埋越夜越有機。真係好難得見到黎明會唱快歌。雖然佢都只係企係度唱。跟住最後大伙兒出嚟唱多首歌,就完結咗今日既演唱會。後尾呢 Part 真係令演唱會增加不少分數,如果唔係我對呢個演唱會都有啲失望。







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/









鐘意SeeWide的分享,給我們一個Like吧!
  • 攻略日期:N/A
    攻略地點:紅磡
  • 攻略時間:N/A
    是次消費:N/A
0人比"掂"

最多能輸入300字

累積瀏覽 182934

全部攻略 323

全部回應 5