攻略日期：2015-08-04
同事C好興奮跟我說:「仁...A-1 Bakery出咗麵包雪條呀!! 好靚㗎, 雪條裡面有一粒粒麵包, 好想去試呀!!」 (雪條入面塞麵包?? 唔會腍咩?)
放工走到太子地鐵站新開的A-1, 我問店員:「雪條入面點解要塞啲麵包入去嘅?」
她迷茫樣子答:「麵包?無麵包喎...(雪條入面喎??), 一粒粒嗰啲係綠豆, 朱古力, 同提子嚟」(哦!原來同事老花...)
既然未試過麵包店的雪糕, 於是就買來試試吧!!...不知為何只愛朱古力的小朋友, 今日忽然選擇了士多啤梨,「爸爸...你望下, 佢有朱古力粒粒㗎」
而我就想看看這裡的雪糕三文治, 會不會可以有大隻仔Stacks的級數.
雪條有4款口味, 單支$22, 兩支$39, 三支則賣$56. 最奇怪是準備打開密封膠袋前, 原來膠袋一早已經爛開口....阿太即說:「哎呀!! 洪瑞珍事件又嚟啦」
粉紅色的士多啤梨脆皮, 微微帶酸, 其實是壞, 還是本身是這樣效果?唉!! 吃了一口之後, 心想:「早知去7-11買Dreyer's仲好食得多」
雪糕三文治又如何呢??? 只有曲奇雪糕和芒果2款口味，配以牛油曲奇上下夾攻, 周邊更灑滿七彩糖針, 單件$18, 兩件$32.
阿太評價:「機械整定晒, 一定無人哋大隻仔新鮮咁好食啦...雖然E間賣得平, 但人哋貴30蚊, 不過好食過A-1廿倍啦...」(係呀!!霉嘅D曲奇)
中伏的我, 將事件轉告朋友M, 她回覆:「E間麵包舖D嘢無乜興趣...」(乜真係咁差...早知唔幫襯佢啦!!蝕咗一餐嘅Quota！)
