下晝機飛去沙巴，朝早仲好似有大把時間係屋企。不過又係度執執執，攪到又好似好趕咁啦！勁攰，勁眼瞓既精神狀態下，去到機場，食埋午餐。噢！三點半，飛機起飛啦！
三個鐘既飛機，去到沙巴已經係六點半啦！攪埋出境，再搭埋的士去酒店，都七點幾八點。酒店房唔係我訂嗰間連房，不過望海灘既，但咁夜，聽朝又咁早，都享用唔到。不過大，同舒服。
好
啦！食嘢。要食餐豐富晚飯先。但唸咗一陣，搭的士出去要＄75馬幣，又要成半個幾鐘先出到去。所以都係留係酒店食飯，養足精神。但係酒店，我哋都揀咗間馬
來西亞餐廳食吓嘢先。我哋叫咗都好多碟嘢，但份量唔算好大。不過最重要都係有酒送飯姐。食完嘢，再係酒店行咗一陣，差唔多十一點，返酒店房，執捨上山用品
同埋休息啦！
