![]()
好多人身體唔舒服就會去排急症，大家都知道急症室出名耐（排得耐），因此香港每年都有好多人去投訴呢方面安排不足，醫管局同各醫務人員又可嘗唔知呢？但係人手不足既問題又可以點呢？
鍾醫生係急症科副顧問醫生，係《守護生命的故事》入面，佢比攝製隊拍攝整日9小時既工作實況，節目中佢都話比我地知每日都大概要處理300-400個街症，同時間佢都站在醫務人員既角度表達一些對於急症室投訴既回應。有一句話我印象十分深刻：「想像下你有五個家人同一時間到急症室，一個危殆冇左心跳，另一個血壓好低，吐緊血，第3個被人刺左刀，流緊血，第4個傷風感冒，第5個濕疹，醫左5個月都醫唔好。我會問你想我我睇邊個病人先呢？當你明白你想我睇心跳停左既屋企人先，你就會明白如果你係傷風感冒個個，你要等一等。當個病人係講道理既，佢地就會明白」用5位病況唔同既家人黎比喻每日見到既病人，可見佢對每個病人視作家人看待。係呢個節目中可見佢地工作艱苦，可能你每日返工見客好辛苦，但你睇完呢一集之後，你會覺得自己既辛苦比醫務人員來說都係微不足道，佢地既辛勞絕對值得我們既尊敬。係TVB討論區見到呢個留言覺得好值得我地去反思⋯⋯「這節目帶給香港人一些正能量，不要只看人們的缺點，而不欣賞別人的優點。香港人請不要繼續千方百計去只挑剔別人的錯處，不讚賞別人的努力，那麼沒有人會願意為香港而努力。」
============================================
感謝 nikkixlife 提供以上資料
nikkixlife的網誌: http://www.nikkixlife.com/
============================================
