![]()
節目係由五位明星(田亮、林志穎、張亮、王岳倫、郭濤)去帶領佢地大概只得5,6歲既子女去旅行, 去體驗鄉村和野外求生, 用一個好寫實既方式捕捉佢地同爸爸相處既一點一滴，同時亦都比D爸爸們有一個單獨同自己子女相處既時間。
小編我自己一開始係為左睇林志穎個仔, KIMI 既，因為實在十分得意喇！(XD!) 之後其他爸爸同小朋友都令我印象好深刻。雖然小朋友都會扭計，唔聽話，喊，但佢地好天真無邪既一面可以叫做係呢個節目既亮點。係呢個親子節目中，有笑有淚有感動有親情，雖然有時小朋友又喊個陣，可能你會心諗"咁麻煩架..又喊?!" 但你諗下你自己好似5,6歲個陣咪又係喊到豬頭咁! 呢個節目中爸爸們可以發掘到自己仔女既優點，亦睇到自己做爸爸既不足，從中改善，同時都佩服佢地老婆/媽媽照料孩子/自己照料得咁好。睇呢一套途中，我會一直係度諗如果我係個個家長，我又會點對待我既小朋友呢？同時亦會諗，唔知我以前咁扭計個陣，我屋企人又點對付我呢？呢個節目不單做到親子教育，令而家父母諗下自己既教育方式外，更加比一些想組織家庭既男女一個概念，就係"照顧小朋友並唔係咁容易的!" 講到呢度，有冇好佩服你既父母將你養育成人呢？利申: 冇睇過韓國版既, 聽講TVB而家做緊套類似既節目, 如果有睇既, 講下你既意見啦。
============================================
感謝 nikkixlife 提供以上資料
nikkixlife的網誌: http://www.nikkixlife.com/
============================================
