0

參觀荷花BB展~

helenhlblog 於 2015-08-13 00:00:00 發表  |  累積瀏覽 1910

分類:
對於各媽媽來說, 每年2次的荷花BB展是不可錯過的盛事, 因為可以幫BB或小朋友買嘢, 或者去拎免費贈品~ 自己未去過, 當然想去湊吓熱鬧~ 幸好老公都可以放假一齊去~


參考了網上資料和很多媽媽/準媽媽blog, 自己很努力找免費門票, 見到FB、網頁、雜誌、報紙有什麼抽獎都試吓, 很幸運在明報happypama抽中了4張, 在司各脫FB遊戲抽到2張票, 再加上參加美贊臣講座的2張票, 總共有8張~ 我們結果去了2日, 吃飯時間就行出去食嘢休息一下, 之後再入場, 就幾乎用盡了這些免費票啦~

出發之前參考了網上他人的經驗, 整個人資料label, 預備貼入優惠劵書仔內 (例如姓名、性別、電話、email、地址、預產期、醫院、身分證頭4/5個字等)~ 大約整50個已經好足夠, 因為唔係間間公司/機構都要好多資料, 有些需要的資料不多, 寧願用手再填, 可以減少個人資料外流, 不過想快, 貼label係快過手填~ 另外有些劵要個人簽名或填一些label沒有的資料, 要留心, 所以點都要帶多一支筆架~


第一次去就係展覽第一日 (6/8)~ 這日的目標就係看看有什麼想買, 考慮一下先, 第2日再去才決定買不買 (不過後來發現這個方法有唔好處……)~ 另外就係出席一早已報名的2個美素佳兒免費講座, 包括育嬰技巧及產前運動, 當然去聽一聽~ 最後當然是買了15蚊的優惠劵書仔, 盡量拿免費贈品~ 原來入場之後去大會詢問處可以買書仔, 如果已經有票, 唔駛行去售票處買書仔架~ 不過後來去聽美贊臣的講座又送多了一本, 可能早知唔駛買啦~~


經過一輪努力, 第一日去都換了不少免費贈品, 不過就要 “奉獻”了個人資料俾很多機構/公司, 希望冇事啦~ 當然要謝謝老公幫我托這些物品回家, 因為都幾重架~

難怪通常啲人都係排奶粉公司換贈品, 因為它們的贈品都比較有價值, 例如牛欄牌入會送minimoto碗+餐具, 本來仲有媽媽奶粉, 不過屋企已有2盒, 不拿了~~ 美素佳兒每聽一個講座就有一張牛牛被, 我們聽了2個就有2張~ 另外聽了Johnson’s baby的講座就有2包濕紙巾加一張同老公影的即影即有相~ 卡洛塔妮就送一個學習杯~ 詩妙健就送尿片墊+袋仔~ 總之計計埋埋都拎了幾十件大大小小的贈品~ 其實我們都唔係去哂所有可以拎贈品的攤位, 因為有些好早已經派哂, 有些行來行去之後都搵唔到喺邊度~ 不過個人覺得已經好夠啦~


個人覺得最有趣的贈品就是這塊 “笑笑” 大曲奇餅, 是用奶粉整的, 味道都唔錯, 不過脆啲會好食啲~

第二次去就係星期日 (9/8), 因為抽中咗參加美贊臣的講座, 晨早10點就要到~ 這次的講座有2部份, 第一部份有前新聞主播趙海珠同兒科醫生對談, 講到不少照顧BB時遇到的問題及解決方法, 都幾實用~ 之後有個問答部份, 抽中又答到問題可以有個燜燒罐, 可惜抽唔到呀……


跟住第2部份就有成日上報紙、電視的梁雅琳 (Hilda) 教用燜燒罐來整飯, 都講得幾仔細, 而且原來燜燒罐煮食都唔係好難, 不過就要用好多熱水 (有點浪費熱水......), 因為之前冇用呢個方法煮食, 所以都有專心聽哂, 再等埋抽獎先走, 不過都係唔中, 於是講座一完就去攞禮物啦~


美贊臣都幾大手筆, 贈品有一個類似樂活枕的大cushion加一個收藏袋, 希望個cushion真係有用, 因為都幾大舊~ 另外有一本燜燒罐食譜, 不過唔係Hilda寫的, 是台灣出版~ 又有一套衫仔、水溶性膏、濕紙巾等, 辛苦了之後拎住佢周圍走的老公~


暫時我們幾乎咩都未買過, 除了拿贈品及他人的二手物品, 這日終於要買吓新嘢~ 本來第一日見到nuk個600蚊消毒奶樽器+5個奶樽的套裝, 可是最後一日才去, 俾人買哂, 唯有退而求其次, 買500蚊加420蚊換個消毒器~ 於是買了幾個奶樽、棉墊、哺乳bra等, 咁就過千蚊~ 有3隻匙羹同試用裝送~~


平平哋100蚊買了Huggies的新生bb套裝~ 有3包尿片、媽媽巾再加濕紙巾一盒, 都算抵啦~


Spectra我有幾個同事都有用, 覺得唔錯, 而且依家已經有行貨賣, 於是又專程去買, 可是第一日見到的套裝又係俾人買哂… (所以第一日去, 見到想買的東西就買, 其實都有好處架……), 於是散買9+加冰袋套裝, 都比出面買抵咗, 不過贈品就少啲, 只有2個樽仔啦~


我們冇帶喼 (不過就算有都未必裝得哂), 拎住那些買了的東西周圍行都幾重, 於是都係再隨意遊多個圈, 拎了一點贈品就走啦~ 其實仲有好多物品未買, 遲些慢慢再搜購~

行BB展係幾攰, 周圍都係減價貨, 花多眼亂, 想買都未必買得哂, 不過有個藉口行吓shopping, 又拎到不少贈品, 又可以嘆冷氣, 算是夏天一個不錯的節目了~


============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

見習探險員
簡介:

累積瀏覽 337557

全部攻略 333

全部回應 39