搭8點50分既飛機飛往上海，其實都幾早吓！再加上我2點幾先瞓，瞓咗都無4粒鐘。去到機場又鬼咁趕，因為仲要食早餐，難食既飛機餐絶不能填飽我嗰肚架!食完趕快行去準備登機。係飛機當然勁瞓，勁攰麻！
落咗機，過咗關，已經見到隻海寶。因為第一次見，所以緊有同佢影相啦！跟住去攞行李見到余文樂。居然個個未瞓醒，得我一個見到佢。
出
咗閘，就去搵磁浮烈車搭啦！明知貴都要試吓嗰速度感。雖然佢既時速可以去到1小時400公里，不過嗰日睇住都係去到301公里。而唔駛兩個字既時間去到靜
安區！當然其實唔知邊度嚟！跟住要再搭的士去我哋間酒店！到要搭成70蚊的士啊！加埋每人$40磁浮，要成70幾蚊先去到酒店！如果係搭地鐵好似只需4
蚊。下次都唔好攪！
放底咗d行李，我哋又要趕趕趕！因為我想去上海老站食嘢，睇吓嗰火車頭，同埋慈禧同宋慶玲嗰車箱。但要兩點前，好在同酒店行去好近姐！趕得切！去到又要即刻叫嘢食，嘢未嚟就周圍行吓影相！
![]()
呢度d嘢食唔算好出色，都係食吓環境姐！
食完就過去對面睇吓徐家匯教堂啦！教堂勁正啦！即刻唸起命中注定我愛你！不過去既時間啱啱關門，唔可以入去參觀。
![]()
跟住我哋就搭地鐵去人民廣場站！因為要去上海當代博物館睇阿信既展覽。不過一落車見到上海美術館都好靚，又係好舊式既建築，跟住行入去見到嗰水塘，再行就到。
入去要俾$20，不過都好多fans入去，全部都係妹妹仔。順理成章大家都係停留係阿信既展品居多，我都狂影咗一輪啦！每個公仔都影吓！
![]()
睇完展覽，行出嚟會見到一個荷花池，不過唔算太靚！再向前行，會見到好多人，有男有女，要寫晒個人資料係度，原來係搵對象！不過有d坐係度我唸唔係佢本人，因為嗰樣成50幾，但係出生日期係7,80後。後來睇書，話父母會代搵對象，可能係咁啦！真係大開眼界！
出返人民廣場，已經好近南京路，所以用腳行行行！
![]()
南京路都以前既樣都係一樣，完全無特別！最多只係喺度買金華火腿。
![]()
行
完之後就出黃浦江。不過真係好攰，行咗黃浦江一陣已經行唔旭。咁啱見到架三腳車，嘗試問價。佢話20蚊，我哋ok。佢就車我哋去影相既地方，坐係後面既感
覺超正。又可以睇到街景！佢車咗我哋去外白渡橋。呢度都幾唔錯，而附近就係俄羅斯領事館添！之後我哋要求去郵政博物館，好快就去到，唔駛搵唔駛行超正！入
面真係幾舊，但係仲辦緊公咁。我哋又唔理狂影相。離開又車返我哋去上車既地方啦！
![]()
(呢度就係外白渡轎)
(郵政博物館)
![]()
繼續沿黃浦江而行，開始入黑，變為一片黃色既燈。而望向對岸，明珠塔都幾靚！
行
咗一陣，就搭船去對面，上去環球金融中心。不過一出船有架觀光巴士，走咗上去，佢行咗一個好短既圈，就去到東方明珠塔啦！跟住沿呢度行去，一條長直路就
到。上去上面既觀景台要$150，真係好貴。當時係十點，都仲有其他人去。不過亦係咁開始見識中國人排隊文化。後面三個，唔知幾時攝咗去我哋後面，仲要貼
實你背脊行，跟住又大聲講嘢！正頭想死！而排前面嗰d又好似成日唔同咗樣咁！終於上到去，真係不外如事。地下係有d透明玻璃，但唔係全部，同埋企係牌玻璃
度，就只係望到下面隔開咗嗰層。而斜斜望，係望到街，不過又唔係咁驚！所以呢百五蚊真係好浪費，超唔值！
睇完都十一點幾，返酒店lu。返到去居然酒店附近有幾間餐廳，所以我哋就去食嘢！仲食咗而家上海實有既小龍蝦，都真係幾好味！所以最後攪到十二點幾先返到酒店！倦極！
相簿啊 - 第一日既相，帶大機緊係要影多d同埋要share多d啦!
