親子學校旅行之香港音樂農莊

12月,又係悠悠學校一年一度親子旅行

今年去既係元朗既音樂農莊

一早8:45係學校出發

到左目的地,落車要再行大約十分鐘入去農莊

一入門口就見到歐生...

入到去,入面有好多工作人員介紹

依個農莊,我唔知大唔大..

因為我地全程都係係同一個區到玩遊戲

跟本無行開去睇下

學校分為幾組尼玩

玩下遊戲呀,做下小手工咁囉

其實我覺得去唔去農莊都得啦...

我一心仲以為可以比小朋友認識下啲農作物呀,或者動物之類

點知原來只係比塊空地你玩

現場見到仲有幾間唔同既學校

睇尼依度只係適合團體去

自己個人去應該係無野玩既

老師原定左好多遊戲,但小朋友慢手慢腳.邊有咁快啦

所以中途cut左啲遊戲呢

好..去相..睇下玩咗啲乜...

首先影大合照,小朋友座定定...

第一個遊戲,拋圈圈..小朋友們都興趣不大..因為跟本就拋唔到既..哈哈

老師送既小手環..佢地今期興變身做粉紅戰士...

無乜靚景影相...同下假既向日葵影下啦

跟住做小手工...一頂帽...

制成品

玩左個搵印仔遊戲,獎品係吹BB,兩個傻妹玩得幾開心

再尼小手工..石仔畫...

全場最好玩既遊戲..木頭車...

最辛苦既係爸爸媽媽......哈哈

玩左都唔知幾多轉....

之後既小遊戲係飲管轉橡根

放電時間..老師帶尼幾個大型泡泡機...不斷噴出泡泡,小朋友們超興奮

之後到午飯時間喇..

個度得公仔麵,燒賣魚旦等小食

我地自己帶左尼啦

有參考BLOG友既粟米片雞球,芝腿治,水果盒

仲有一個因為悠悠拎左去派比老師食而無影相既韓式醬汁薯仔

食飽飽,自由活動時..悠悠受傷了

變左刀疤悠

之後再集合去左玩用椰子樹葉摺成一條魚魚...

因為有條疤,悠悠都唔願影相..

只係影左依張三七面....

玩完都差不多要回程了

行返出去,上埋巴士,就開始落雨啦

真係多謝天公做美呢...

VERY LUCKY~~~

回程成車靜晒...全部小朋友同家長都瞓著了....