晚上於銅鑼灣逛街，行累了四處揾食。因近期用餐以中菜為主，所以今次的目標鎖定西菜，最後決定到Su Casa飽吃一餐。早陣子餐廳進行過裝修，地方更見新淨企理。餐廳用餐氣氛寧靜良好，餐桌放置寬敞，環境不錯。或許人客不算太多，店員服務勤快有禮，亦夠主動，令人滿意。唯一缺點是上菜較慢，趕時間用餐未必合適。

先來兩只生蠔作頭盤，L'ecaille D'argent生蠔產自法國，入口滑溜，咬下爽口，因海水味不重，蠔肉鮮甜味道更見突出。

主食南瓜蘆筍蟹肉意大利飯，南瓜忌廉汁很香很好吃，配上芝士更有點睛之效。蟹肉拆絲混入其中，味道不算十分突出，但仍算美味。飯中亦加入少量蘑菇，菌香芬芳。蘆筍嫩綠鮮甜。意大利飯口感有嚼頭，同樣理想。

另一主食鴨肝野菌扁意粉，鴨肝肝香豐腴，野菌菌香濃郁，鴨肝野菌汁比南瓜忌廉汁更見惹味吸引。扁意粉入口柔滑而不失煙韌，可作推介。

智利鱸魚配菠菜汁本應賣相吸引，鱸魚柳十分厚肉白滑，可惜的是魚肉有少許怪味，入貨有點失手。店方最後主動跟進取消。

鱸魚最後換上澳洲穀飼無菌豬扒，豬扒肉質很鬆軟，肉汁豐富，肉香亦見濃郁，尤其豬扒近邊部份，帶少許肥肉，味道更香口。

是晚食物除鱸魚有點失準外，其他都令人滿意，喜愛吃蠔及西菜的朋友可以一試。

[28/1/2014; Tue]


題外話/補充資料
免收加一；只收現金。

============================================

感謝 VCY 提供以上資料

VCY的網誌: http://www.openrice.com/zh/gourmet/reviews.htm?userid=92753&city=hongkong

============================================