週日閒聚奧海城Simplylife餐廳，午膳時間人客很多，無訂枱的話相信也要等一段時間。店中採用開放式廚房設計，一邊用餐可一邊欣賞師傅們製包被餐。或許真的人太多，座位較迫，環境亦較嘈吵。

午市Brunch取價由$98至$128，定價合理。

是日以甘筍湯作餐湯，口感幾滑，濃稠恰當，味道清甜。附上的麵包則質感過硬。

既然是吃Brunch，一份英式早餐不可少，炒蛋蛋香豐富，有少許蛋汁，滑度中上。豬肉腸食味不俗。煙肉、茄汁豆及蘑菇無乜特別。多士脆口，評分明顯比餐包佳。

烤海鮮有機糙米飯，海鮮食材有海蝦、青口、蜆及魷魚，大體上鮮甜度皆合預期，屬中等水準。糙米飯頗有咬口，配上忌廉白汁吃感覺有點似吃意大利飯。

煙肉忌廉自家製闊條麵，配料不多，味道主要靠芝士忌廉汁。個人口味覺得芝士力度可再加強，汁底可較稠一點，使每條闊條麵更容易及平均掛上醬汁。自家製闊條麵頗有嚼勁，不俗。

另試了一客莎樂美辣肉腸煙水牛芝士薄餅，因加有辣肉腸的緣固，每一口薄餅味道都帶點辛辣，頗為惹味。但亦因同一原因，薄餅面上油花也比其他薄餅多。芝士用料及份量都見理想，整體味道不錯。薄餅脆度不足，可再改善加強。

套餐再送一凍茶或汽水，選了茉莉花橙茶，花香果香平衡，力度輕輕的，不算突出。作為解喝消滯凍飲都可以。

[15/9/2013; Sun]


題外話/補充資料
週未消費滿$500可享兩小時免費泊車。

============================================

感謝 VCY 提供以上資料

VCY的網誌: http://www.openrice.com/zh/gourmet/reviews.htm?userid=92753&city=hongkong

============================================