7 款式選擇多, 甜品有驚喜 - 日式放題大瀛喜

平日約食飯, 若大家沒有特別想食甚麼餐廳, 日式放題也是我地其中一個較常食的地方, 大家可以選擇自己想食的款式, 種類又多. 今次我地去了位於旺角的大瀛喜食飯.大家也知道放題食品選擇多.前菜點了胡麻豆腐.豆腐夠滑, 配上麻醬是好夾.

朋友當然食刺身, 佢話夠新鮮. 但我不食魚生, 就點了壽司和手卷.這裡的手卷細細份, 客人可以試多些其他嘢食.手卷點了軟瞉蟹和龍蝦沙律.

紫菜夠脆.壽司的款式有點創新, 點了醬燒芝士蝦壽司和蒲燒鰻魚壽司.

我鍾意佢地個鰻魚醬汁, 好味道.點了一品料理和燒物.柚子汁燒牛仔骨, 板燒蒜香牛柳粒, 黃金炒海蝦.上枱時已香味撲鼻.黃金炒海蝦是必食. 外皮沾了咸蛋黃, 好香又夠味, 肉質幾彈牙, 這個我食完再叫多次來食.

板燒蒜香牛柳粒夠惹味, 肉質算腍身, 仲帶有蒜香味.

柚子汁燒牛仔骨幾大份, 柚子味不算太出, 但個汁幾好味, 牛仔骨對於我就偏肥一點.

食放題當然不少得天婦羅和炸物.天婦羅點了海虎蝦, 大阪燒餅和蟹棒.

全部熱辣辣上枱.這裡的炸粉不會太厚身, 幾薄身, 外皮幾脆.大阪燒餅算是平日放題較少食到. 而材料也算新鮮.

炸物點了自製包心雞, 芝麻雞翼, 蟹肉忌廉薯餅和吉列炸蠔.



當中我最愛食芝麻雞翼.外皮炸得香, 薄又脆, 內裡的雞肉幾嫩滑, 味道又適中.

最有驚喜是甜品, 估不到放題的甜品水準也不錯.松露朱古力餅, 藍莓芝情, 皇家伯爵可可撻, 法式燉蛋和檸檬馬令撻.

賣相夠精緻.而各款的味道也相對不俗.當中我最欣賞松露朱古力餅和法式燉蛋.朱古力味夠香濃, 又夠滑身, 又不會覺得太膩.法式燉蛋時間控制得幾好, 蛋幾滑身.就這裡過了一個晚上.唯一是安排入坐方面有待改善, 即使訂咗位也要等成十五分鐘.

============================================

感謝 sky_0721 提供以上資料

sky_0721的網誌: http://www.openrice.com/zh/gourmet/reviews.htm?userid=504491&city=hongkong

============================================