本身唔飲酒, 所以不會去酒吧, 但原來酒吧也有飯食. 早前就去了位於旺角Mini Club食飯, 這間集合餐廳與酒吧, 唔知食物質素又怎樣? 來到酒吧, 理應點酒精飲品.這裡有一個好吸引的優惠. 只需要點一支紅酒或白酒, 便可以配以下其中一款拼盤.
1. 六隻新鮮即開生蠔
2. 海鮮拼盤
3. 巴馬火腿拼盤
4. 西班牙黑毛豬火腿(24個月)
5. 炭燒德國腸拼盤
6. 法式酥皮盒刺身拼盤
7. 瑞士芝士火鍋(冬日限定)但不飲酒的朋友, 也有一些無酒精飲品選擇.

我點了Virgin Colada. 當中有椰奶, 鮮奶, 菠蘿汁.

沒有想到是沙冰形式, 對於我來講, 味道稍為淡了一點.先點了幾款小食, 包括炸墨魚餅拼泰式魚餅配泰式酸辣醬, 香烤蜜糖雞翼, 炸魚柳佯薯條配沙律菜.
炸墨魚餅拼泰式魚餅配泰式酸辣醬.

上枱時熱辣辣, 墨魚餅夠彈牙, 而泰式魚餅就較墨魚餅濃味一點, 同多一份微辣, 兩者點上泰式酸辣醬就更惹味.

香烤蜜糖雞翼.

雞翼雖然唔算特別大隻, 但味道調教得不錯, 幾入味, 齋食也不會覺得咸, 而外皮就帶點甜甜地.

炸魚柳伴薯條配沙律菜.

份量幾大碟. 炸魚柳外皮好脆, 帶點硬身. 而內裡的魚肉算幾嫩滑, 不會太乾. 薯條同樣是外脆, 薯味也可以.
主菜點了炭燒德國腸拼盤和龍蝦汁海鮮意大利飯.

炭燒德國腸拼盤.
我自己都好鍾意食香腸, 所以見到這個拼盤, 一定要點來試下. 當中包括慕尼黑白腸, 香草肉腸, 煙辣椒腸, 原味紐倫堡肉腸, 煙莎樂滋味腸.

可以一口氣試晒五款不同款式的香腸, 對於愛食香腸的朋友, 一定不可以錯過.
也附有三款不同口味的醬汁, 可以因應自己喜歡而點.

對於我來講, 香腸本身已夠味, 不用點醬汁也相當美味. 當中我最愛食原味紐倫堡肉腸和慕尼黑白腸.



由於我自己不太食得辣, 所以煙辣椒腸對我來講是幾辣下, 愛辣的朋友要試這個.

龍蝦汁海鮮意大利飯.

入口時已感覺到飯中有淡淡的龍蝦味. 而且這個飯夠Cream, 飯的軟硬適中, 是我鍾意食的質感, 口感不錯.

這裡環境不俗, 幾適合三五知己來傾計, 飲嘢和食飯. 和朋友又多一個聚 

============================================

感謝 sky_0721 提供以上資料

sky_0721的網誌: http://www.openrice.com/zh/gourmet/reviews.htm?userid=504491&city=hongkong

============================================