7 日式放題外的選擇 @ 響葫蘆燒物居酒屋

食日本嘢的話, 我多數食放題, 反而屋酒屋較少. 上星期便去了位於尖沙咀亞士厘道的響葫蘆燒物居酒屋食飯. 個名幾特別呀, 唔知食物又怎樣呢?

先來麵豉湯. 這個湯味道適中, 最怕無味的湯. 淡淡的麵豉香味, 配上海帶和豆腐就最夾.

二色刺身, 我唔食魚生, 所以留番俾朋友食. 佢話好新鮮, 又夠鮮味.

和風有機沙律.

蔬菜好新鮮, 入口夠爽脆, 不知是否是有機的關係, 特別清甜. 我最愛佢黑醋汁, 同蔬菜好夾, 食完好醒胃.

接着是軟殼蟹卷.

軟瞉蟹幾大隻, 入口有微脆, 加埋壽司卷上的蟹籽, 口感十足.

海蝦天婦羅.

炸粉不會太厚, 算薄身. 外皮夠鬆化. 海蝦好大隻, 肉質又彈牙.

可惜這個套餐得一款天婦羅, 多幾款就更好.

香蒜一口牛柳粒.

上枱已香氣撲鼻. 牛柳粒牛味幾濃, 最重要是夠腍, 配上香蒜, 就更加惹味.

響葫蘆香橙焗銀雪魚.

這個菜式好創新, 我之前從未試過這樣煮法的銀雪魚.

橙有點甜甜地, 而銀雪魚肉質好夠, 不會被香橙蓋去鮮味, 估唔不橙和銀雪魚咁夾.

來這裡真的要試下這個菜式.

日式义燒炒飯.

這個炒飯唔太油膩,每粒飯也是分開, 不會黏在一起, 仲帶點煙靭, 我自己鍾意這口感.

我自己平日食雞軟骨, 因為太硬, 但朋友愛食, 所以點了炸雞軟骨.

估不到這個雞軟骨相對平日食那些無咁硬, 加上熱辣辣炸起, 好可口, 而且有灑上胡椒粉, 所以更加好味.

我地點了四款串燒, 包括雞腎, 雞翼, 雞皮和雞軟骨.

我自己唔多食雞皮, 朋友話好脆.

雞翼外皮脆, 雞肉不太乾身.

反而雞腎有點驚喜, 入口已有淡淡雞腎香味, 平日食那些無乜味, 這個又唔太硬, 口感不錯.

最後, 甜品是雪糕糯米糍.

這裡各方面也不錯, 若分量多一點更好.

============================================

感謝 sky_0721 提供以上資料

sky_0721的網誌: http://www.openrice.com/zh/gourmet/reviews.htm?userid=504491&city=hongkong

============================================