8 與友歡聚 @ 曼克頓餐廳

不講不知道, 觀塘也有不少食飯的店可以試下, 所以早前相約朋友去了位於觀塘一亞太中心的曼克頓餐廳食飯.我地點了脆炸海鮮拼盤, 慢煮豬肘.點好菜, 侍應先奉上餐包. 餐包幾鬆軟.脆炸海鮮拼盤先上枱.

內裡有魚柳, 墨魚, 蝦和洋蒽.炸物外皮炸得好香脆, 墨魚不會太硬, 蝦的肉質也算彈牙.

當中最愛魚柳, 不但啖啖肉, 入口沒有雪味, 而且調教的味道很啱我口味.

當中洋蒽較多, 若果海鮮的比例多一點會更好.我自己鍾意食豬手, 所以就點了慢煮豬肘.

上枱時已被佢的賣相所吸引, 份量好大, 而且已經切好一片片. 進食時就好方便.豬手本身幾入味, 但不會過咸. 由於我鍾意食較稔身的肉, 若煮的時間再多一點就更加好.

除了豬手外, 還有配菜, 椰菜絲和薯蓉, 這樣就沒有咁齋, 我特別愛薯蓉, 夠滑身.

原來依加只要將主菜的相片分享到Facebook, 並標籤餐廳, 就可以得到甜品. 由於我同友人也分享了相片到Facebook, 所以能夠選擇麵包布丁伴雲呢拿雪糕.甜品賣相不錯. 對於我來講, 麵包布丁最重要是麵包整的時間, 我最怕太濕或太乾, 這個剛剛好, 仲熱辣辣, 而且甜度也算適中.

再加上雪糕, 一熱一凍, 雙重口感. 兩個人食一個也不會覺得太飽.

============================================

感謝 sky_0721 提供以上資料

sky_0721的網誌: http://www.openrice.com/zh/gourmet/reviews.htm?userid=504491&city=hongkong

============================================