天氣寒冷, 食飯也會選擇打邊爐. 一直都想試下千鍋居, 較早之前終於有機會去食一次.除了打邊爐外, 也有小菜食.這裡都有唔少湯底選擇, 最後我地揀咗健康珍菌豆腐鍋. 食物未來之前, 當然要試下個湯底. 個湯好甜, 忍唔住, 要飲番碗先得.
![千鍋居的相片 - 佐敦)]()
對於我來講, 打邊爐的醬料是好重要, 因為我自己好鍾意混醬. 這裡有各式各樣的醬料, 有成差唔多二十款選擇, 必能混出啱自己口味的醬料.
![千鍋居的相片 - 佐敦)]()
這就是我的醬料.
![混醬 - 佐敦的千鍋居)]( "混醬")
醬料和湯底預備好, 食物也陸續上枱.打邊爐牛時必點食物, 今次點了特級手切肥牛. 色澤都幾靚, 配合這個湯底, 牛肉味唔錯, 幾鮮味.
![特級手切肥牛 - 佐敦的千鍋居)]( "特級手切肥牛")
另外, 也點了桶蠔和蚌, 蠔都幾大隻.
![桶蠔和蚌 - 佐敦的千鍋居)]( "桶蠔和蚌")
我地也點了手打四寶丸和手打墨魚滑. 因為是手打, 所以較為彈牙.
![手打四寶丸和手打墨魚滑 - 佐敦的千鍋居)]( "手打四寶丸和手打墨魚滑")
友人鍾意食田雞, 所以點了, 但我自己就唔食. 也點了響鈴卷, 這個的豆味尚算濃郁.
自家制的鮮蝦雲吞和豬膶, 味道也不錯.
![響鈴卷, 田雞, 自家制的鮮蝦雲吞和豬膶, - 佐敦的千鍋居)]( "響鈴卷, 田雞, 自家制的鮮蝦雲吞和豬膶,")
總括來講, 這裡的食物質數不錯, 只是分量細碟了一點. 聽說這裡的小菜味道也不錯, 下次有機會要試一次.
============================================
感謝 sky_0721 提供以上資料
sky_0721的網誌: http://www.openrice.com/zh/gourmet/reviews.htm?userid=504491&city=hongkong
============================================
