經過每星期忙碌的工作, 最開心莫過於在星期五晚約埋朋友一齊食飯, 輕鬆一下~ 上星期就去咗位於IFC的Greyhound食飯~
我地點咗不同款式的頭盤和主菜~ 當然要先點Greyhound Café特色檸檬茶.
這裡的檸檬茶連冰粒也是由檸檬茶整成, 唔會加咗冰食整杯檸檬茶無晒味, 所以來到必定要一試.

 
 
 
 
 
頭盤我地點咗招牌脆炸單骨雞翼, 薄切三文魚片配泰式辣汁, 泰式辣汁青瓜沙律, 特色家鄉羊肉串, 秘製辣肉醬手包粉卷~

一來就試咗泰式辣汁青瓜沙律, 這個不算太辣, 不好辣的我也覺得味道調較不錯, 好醒胃.
招牌脆炸單骨雞翼, 它炸得不錯, 味道也不會太咸, 而且單骨食起來較方便.
由於我唔食生嘢和唔太好羊肉, 但朋友話薄切三文魚片配泰式辣汁好味,而且汁和三文魚好配合. 我無食羊肉, 但我食咗青瓜串, 食咗雞翼後食, 感覺清新.
頭盤中最特別就是秘製辣肉醬手包粉卷, 因為是自己
包, 可以隨意選擇各樣材料的分量, 只是生菜稍為少咗d, 唔夠包.

 
接着, 主菜就陸續來.
主菜我地點咗泰式炒螺絲粉, 泰式銀魚柳意大利定麵, 水牛芝士漢堡, 泰式卥水鴨湯河粉, 香草辣椒炒雞碎配白飯.

當中最吸引就是水牛芝士漢堡, 個包是黑色, 當中的芝士和牛肉好夾, 牛肉也唔會太乾.

 
泰式卥水鴨湯河粉湯底好濃郁, 我都忍唔住飲多幾啖湯, 仲有有成隻鴨脾添.

泰式炒螺絲粉對於我來講就偏辣, 泰式銀魚柳意大利麵味道也可以, 意大利麵軟硬度算適中.
香草辣椒炒雞碎配白飯中的雞碎幾入味, 用來配白飯就剛剛好~
甜品當然唔可以缺少, 我地叫咗芒果芭菲, 鮮製蘋果金寶, 野苺千層蛋糕.
芒果芭菲同我最初想像完全不同, 這個是泰式版. 雪芭好清新, 驚喜的是雪芭中有椰子肉, 若果芒果肉甜一點會更好, 最底層竟然是糯米, 我覺得這個層次不錯, 食完唔會覺得太膩.

朋友點了鮮製蘋果金寶, 喜歡食肉桂就一定愛吃.
而野苺千層蛋糕的賣相好靚, 好吸引, 朋友話味道不錯, 當中的cream也好滑.

真係一餐豐富的晚餐~

============================================

感謝 sky_0721 提供以上資料

sky_0721的網誌: http://www.openrice.com/zh/gourmet/reviews.htm?userid=504491&city=hongkong

============================================