原本和友人想去“滿屋”食放題的。。但點知一去到樓下，已經見到有一大堆已訂位既人仲排緊八點九既時間，所以我地呢啲無訂位既人唯一既方法。。。就係走！
轉而而之光顧了價錢平一大截既沙嗲王！
![沙嗲王的相片 - 銅鑼灣)]()
（＄58）
每次黎到，白咖喱豬扒飯係無走雞既指定美食！白咖喱汁很甜很惹味，汁量很多，每次都會用來拌飯！豬排有很香的香茅味，肉質很嫩，一整碟有三塊，件件都不算小，跟餐來說價錢還可以！
![沙嗲王的相片 - 銅鑼灣)]()
（＄20）
印度薄餅，有兩塊，計落十蚊一塊有點貴；端上來的時候熱烘烘，薄餅很軟身，拿上手來吃不會太油！咖喱汁一點也不辣，但略嫌太少了，不夠分給兩塊，但又無法加添，食下去有點意悠未盡！
![沙嗲王的相片 - 銅鑼灣)]()
（標準＄49）避風塘炒軟殼蟹
軟殼蟹有四件，由於友人唔食蟹，所以全部由我食曬，正！
軟殼蟹有很多肉，有時意外地還食到膏；蟹拌以花椒、花生碎、紅椒等炒起，香口而微辣！
![沙嗲王的相片 - 銅鑼灣)]()
（＄22）茉香珍珠
單點食品滿＄24便可以用半價單點飲品了！茉莉香很重，但珍珠太細粒了，不夠咬口！
![沙嗲王的相片 - 銅鑼灣)]()
玫瑰柚子蜜熱飲
玫瑰花香味不重，相對柚子蜜味很濃！剛食完炒蟹之後飲杯甜蜜蜜既花茶就最適合不過了！
![沙嗲王的相片 - 銅鑼灣)]()
小食拼盤
有芽菜、中華沙律、蟹棒！ 蟹棒略嫌凍了些少。。油壓味很重，不好吃！
![沙嗲王的相片 - 銅鑼灣)]()
附送的雪糕，不過不失吧！
題外話/補充資料
容許我在這裏讚賞一位女員工（李洁萍小姐），佢由落單，追單，上菜，埋單，都一腳踢，每次問關於菜式上的資料，她都有問必答，仲永遠保持笑容，走既時候還會主動同我們講：多謝曬，歡迎下次光臨！
雖然呢餐飯唔係昂貴既一餐，但就享有熱情既款待，而且在晚飯時段，人流特別多，但她仍然保持一貫笑容，熱情主動，實在難得！
============================================
感謝 sukichoy0921 提供以上資料
sukichoy0921的網誌: http://www.openrice.com/zh/gourmet/reviews.htm?userid=314887&city=hongkong
============================================
