計落已有一段時間無寫食評了，但今次呢間餐廳重燃了我再寫食評的動力，令我無法不寫得它有多差。。。
唸住今日入長洲逛逛前先來醫一醫肚子，眼見呢間餐廳無咩客人，就即刻搵個位坐。。點知就中伏了。。。
![Délifrance的相片 - 中環)]()
BlueBerry miffin ($18)
買既時候提醒了一下店員把miffin加熱多一點點，所以叮完之後，miffin外層很脆口，而內層很鬆軟，但藍莓粒較小，相比之下Starbucks相類的比它更好味又便宜些！
忌廉蘑菇湯
跟餐可跟餐湯或飲品，我朋友就選了忌廉蘑菇湯，但飲落去只有餘溫，不夠熱，而且比較水，不夠稠，但頗為要讚的是吃到一粒粒蘑菇粒而不是一片片的！
![Délifrance的相片 - 中環)]()
香草煙三文魚忌廉扁意粉（＄64）
煙三文魚份量小得可憐，上碟的時候，煙三文魚塊更不是一整片一整片放上，而是像貨尾的碎件上。。食下去又太鹹了，完全鹹到食不出三文魚味。。另外有我不喜歡吃的蕃茄做伴碟，但蕃茄粒顏色不是鮮紅，而是青bb的，令人見到都酸得可怕，真心認為餐廳無必要硬要放一些不新鮮的東西出來做伴碟，結果弄巧反拙；另外，意粉煮得不夠淋身，這樣價錢要食埋這些貨色真十分不值！
![Délifrance的相片 - 中環)]()
辣黑椒雞肉扁意粉（＄58）
對於一些不嘗辣的人可能會覺得稍為辣了些少。。但雞肉份量足夠，肉質頗嫩口，但同樣地，意粉也是太硬了！
![Délifrance的相片 - 中環)]()
錫蘭奶茶
隨餐可免費轉飲熱錫蘭奶茶，很有茶香，可惜一飲是凍的，已再沒有想喝下去的餘地！
食食下行左出counter想話攞杯水，有個女店員聽到之後就叫我等等，但之後就完全無左回事。。我眼見佢手上拎住一疊點貨單，然後成個人擒上左個天花頂櫥櫃上面點紙杯數目，左腳踩著塊抹碗布，右腳就踩著放上食物既爐灶上。。我唔明白點知佢可以起大庭廣眾之下唔用木梯爬上去點數呢？！而且佢踩過既地方同抹布之後都無再清潔反。。一間大型連鎖式集團既餐廳，就連這少少乾淨衛生的概念都沒有，怎叫客人如何對食物安全品質有信心呢？
結果，我拎完杯水之後已經無意欲再繼續食呢間舖的東西，但只是興幸我回到家之後都無搞肚痛，但以後我都不敢再來光顧了！
============================================
感謝 sukichoy0921 提供以上資料
sukichoy0921的網誌: http://www.openrice.com/zh/gourmet/reviews.htm?userid=314887&city=hongkong
============================================
