哇！！忙起上黎。真係唔覺眼原來咁耐無寫卜。。
真係唔好意思要大家等咁耐。響Facebook攪左Brandsss手袋代購後。
實在連果丁點私人時間都無埋。哈哈！
不過做得好開心呢。除左湊仔外。可以做返D其他野感覺好充實~
我都係唔得閒得既人。一得閒就覺得太得閒。要不停搵野攪。。
好喇。快D寫返琴日呔仔學校去Field Trip 先！
其實上年summer去左幾日L.A.仲未寫。今年summer 又黎料！
咁快架D時間。所以你地湊緊仔果D。唔使驚呀好快放監架喇~hohoho~~
呔仔好好彩入到呢間學校好好。佢勁鐘意阿SIR囉！
又話阿SIR唔會惡。勁有心機教。丫。其實鐘意阿SIR既又點止佢呢~ 呵~~~???
weak7都係次次見到阿SIR都忍唔住講。點解佢咁型? 佢真係好型！
琴日都講左幾次囉 @@ 我? 車~ 我朝朝早送仔都見佢架啦。無咩感覺啦 Wakakka~
係喎！講開。成機講埋先！前排見老師講下呔仔響學校情況同拎report card。
我 O晒咀喎！阿SIR竟然話佢英文聽發音(唔係講呀下)。拼字等phonix好準。
全班同學有一半都未掌握得好。話佢呢方面好突出！我瞪晒眼@@ 唔係化??
佢話呢樣對佢黎緊 writing and reading好重要。掌握得好係好有幫助！
哇！估唔到條友平時10下10下。行到路都慢過人。竟然暗地有料到！
屋企無特別教。你話佢中文好好。識認字我都唔奇。因我成日讀漫畫比佢聽。
但英文嘛……佢真係自學的！又証明我初時擔心佢英文唔掂係多餘了。
小朋友。真係有小宇宙架原來！！hahahahha~
同埋阿SIR講左一樣我都有發現既野。臥~底~格！！
就係佢平時聽書時會好唔專心咁做另一D野。但阿SIR話問佢問題時。
佢係完全答到架喎！即係其實佢有聽。但佢又攪緊第2D野。
丫！係咪我陀佢時有睇無間道呢?！傻強D friend黎架?！
點都好啦。總之佢有聽就算架喇。讀書既野唔好太執著haahha
好喇。開始帶大家一齊去Field Trip喇！原本今次我去做義工睇細路。
我呢D….真係根德阿媽。有得跟咪跟囉。難得佢仲鐘意我去。
過2年要面架喇。唔比我去架喇 haha~
之後原來weak7請左假。諗住呢日同我食早晨。咁岩喇。
一齊去Field Trip睇下風景啦 lol
一齊去旅行真開心。。
型仔阿SIR等校巴~
呔仔好開心。因為唔使揹書包喎~
D Frd響 FB見到呢張相。話好大個仔了 heeheee
到lu。呔仔今次搭school bus。上次去pumpkin patch都無搭 ^^
上車 lu 。一陣見啦。我地去買早餐呀！yeah~
琴日幾鬼好天呀！真係爽！前日仲落大雨。諗緊去唔去得成~
lucky~!!!
去到呔仔佢地開始左lu。響佢未發現我地既時候。
佢好踴躍學習喎！仲講英文問野同講野。我地都出奇(其實唔奇。係我地未見過嘛)
有呢D機會跟下去睇下都幾好。知道呔仔平時響學校咩情況。哈！
岩晒佢啦今次。睇好多洋海既野。又有鯊魚骨~
大家同學研究一番。。
唔黎Field Trip都唔知有個咁既地方！好多野睇~
爸爸同呔仔一齊搵魚骨。。
阿SIR耐心教細路。。
個個見到海獅仔即刻爬上去。。
又有小小水族館。。
有指導員教小朋友唔同知識。呢個Field Trip好好呀！
正所謂讀萬卷書不如食萬里望！多d出去睇下野。人都醒D啦~
指導員好生鬼。班細路好投入。。
捉左隻唔知咩黎。比佢地逐個兜住摸下。。
之後去睇海瀨標本。。
呔仔比指導捉左出去試範水中抖氣。哈哈！
企咁後丫拿！！Lol
出返外面。係個沙灘。更朗氣清呀~~~~~
仲有三藩市名勝。金門橋！
親親大自然。。
出到沙灘又有野玩。學下唔同creature既分類~
有景。好正！
指導員擺左3個呼拉圈。一個for生物。一個for植物。一個係死物….
大家隨便搵野去分類。好玩！
呔仔一馬當先。大大舊海藻 hahahaha
初初同呔好frd既安仔。但呔仔話佢fing水樽。唔 so佢喎！
車~ 你都成日風火輪打到呢個果個啦。人地都無唔so你啦仔…… -_-”
執到金咁 XDDD
同學都執到唔同既野。。
( 待續 )
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================
