今朝病病地。9點比呔仔叫醒整早餐佢食。OK份內事。
不過整完由9點半食到11點﹗已經喉嚨痛仲要不停催催催….
再來不停叫叫叫。叫左2個鐘仍然成地玩具。
忍唔住發癲。佢2個罰企。我自己執晒佢地所有玩具入車房。
仲一個個膠箱分埋類(係。我有D強迫症)。
之後無再同佢地講過野。心情低落… T.T
咁既心情。我竟然好想做一件事。就係寫卜。。
寫野。絕對係一件令我減壓既事。在於你地黎講係正能量。
我而家先知原來在於我黎講。一樣係能量之源~
我同你地一樣。流住呢個卜既血…..XD
好啦﹗為左大家心情都靚返D。快D寫下旅行卜。幫自己同你地都打打氣﹗
2013年11月29日 大阪Day 4
天氣真好﹗每日出門經過呢塊田。感覺好舒服~
是日同朋友仔去黑門市場。食魚生﹗正呀﹗
細細琴日嘔緊。今日就返生了﹗真係可喜可賀~
(正衰仔頭先激得我咁西利。都唔係好想寫佢﹗哼﹗﹗﹗)
噢﹗我親愛的新井太太啊~~~
咁細心。真係令我感動﹗
^^
心心~ 嘻嘻~
2隻野好鐘意響日本搭地鐵。一直行地面。多野睇~
浩浩一家~
呔仔乖底。起碼我發癲佢識驚。知衰。。
呢條小粉皮真係想中佢2野﹗﹗﹗
我發癲佢完全唔驚架﹗一D內疚都無架喎﹗
仲響度整古做怪單腳跳。我即刻開佢波囉。。
你睇啦你地睇下啦。你睇佢個樣﹗
(講起就嬲……>_<)
我地去大阪果段時間。每日都好天氣。真係好運~
我地果時平均都有10度。而家就凍喇果邊。唔知新井佢地點呢? ^^
到喇~~~~~~
呢度有D 似東京既築地。都係魚市場。。
"細佬你唔好咁啦。媽咪會罰架﹗" (今日呔真實對白)
"我咁樣係氹緊媽咪呀﹗" (我自我安慰….)
"唉~ 我無眼睇你喇細佬……@@"
"媽咪我無玩呀……" (呔真實對白)
望住佢地。我開始諗。究竟3歲定80。係咪堅架呢??
黑門都好大下架﹗分開好多條巷。有好多野食。幾值得去~
同大龍蝦影相 ^^
"哇﹗Kai仔睇下。識郁架﹗﹗﹗"
"係蟹黎架識kam人架﹗﹗"
"1000yen隻又幾抵喎~"
老公試左燒帶子。好味~
2個唔食生野既就同仔食烏冬。。
我同浩浩出去大戰魚生啦喂~~
(D魚生相響浩仔度。所以無得PO @@)
你地慢慢~
邊行邊食大帶子~
500yen 3粒~
無味既。踩左﹗ @@
2隻野響度gep gep gep….
食左人地半個都有 -_-"
不過又真係好甜。我地買左。哈哈~
噢﹗我最愛既關東煮呀﹗﹗﹗
無肚喇。食唔落~
聞說超勁甜士多啤梨﹗不過我地有下場。去海游館。拎唔到。。
OK喎﹗唔太貴~
(待續)
寫完wing wing地。聽朝仔返學。我瞓覺去~ ^^
早抖喇咁多位。多謝你地陪我陪你地 haha~
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================