WOW!!! 終於都可以開始寫卜了~
我擺相擺左2粒鐘呀﹗腰痛。手震。。
大家暫時睇住先啦﹗要反映既我都反映左架喇﹗
字細既話自己碌大佢啦。未有得較font size呀﹗哈~
呢D問題應該可以解決到既^^
始終呢個都係新地方。讓我們一起進步吧﹗haha~
係喇係喇。開始講細細開學既野先喇。
遲左幾日。我都就快唔記得喇~ 呵~
2013年10月1日 3歲8個月大既細細。終於返學啦~
興奮興奮﹗佢都睇左呔仔返學成年。
終於輪到佢。佢開心之餘。其實佢非常緊張 XD
好多人問點解10月先開學。其實係我師奶仔。
慳1個月學費。所以10月先返~
如果學校比既話。我想佢1月先開學添。不過唔得喇最遲10月要返 ^^
因為下個月中又返HK了。到1月先返黎~
係呀﹗好甘呀2個一齊返學既學費 @@
呢2年真係赤字。等佢2個上左K(即HK幼稚園第3年)
會升上Public School。咁就爽好多喇~
當日細細同呔仔兄弟裝"開學"。醒神呀﹗﹗
"笑啦呔仔﹗人地開學呀。你個樣開心D啦~"
"食緊糖呀細佬。點笑呀??"
"咁樣笑咪得囉﹗umm..um…."
有得返學好開心呀﹗Yoo-hoooo!!
"咪阻住鏡頭啦呔仔﹗今日主角係我呀~"
"等我搶返鏡先﹗﹗HeeHee~"
爸爸都請左假。一齊送細細返學 ^^
陽光細細~
掛住食糖既呔呔~
到學校了。細細熟晒環境啦﹗
撞到Artin同學既爸爸。幫我地影左張合照 ^^
2隻野個樣 …..hahahaah~
送仔返學的師奶 XD
一樣樣父子XD
2個平時就係咁樣"累"埋一堆研究野架喇~
細細的老師。同呔仔一樣。係Ms. Windy ^^
細細有自己一格呀﹗Happy Happy~~~
係細細既班房呀﹗同呔之前唔同。因有2班一齊上堂。轉左大房~
好喇9點半食早餐喇~
因為開始要坐定定 & 面對同學仔。細細有D笠水。
猛捉住我隻腳喱埋~ 呵呵~
等食的小孩~
見細細開始不安。同埋猛搣手指証明勁緊張﹗
等我地去安慰下個仔先﹗﹗
有爸爸媽媽鼓勵。細細開始無咁緊張。仲跟大隊出去做體操~ ^^
好好陽光呀~
佢開始跟上堂呢刻。我有D感動 ^^
做完運動開始上堂。我地睇左佢一陣。就計劃閃人喇~
佢OK。其實同老師已經好熟。我地話一陣返黎接佢。
佢仲同我地揮手拜拜~ ^^
一出門口就見到呔仔。比佢周住左。條友真係返左成年都仲難捨難離 @@
第1次。我地2公婆完全無顧慮地拍拖去~
感覺太奇妙了~~~
食返個早餐先﹗﹗
12點半返到學校。細細排排坐等我地接~
呢幾個係返半晝既學生。其他同學就開始瞓覺~
堅呀﹗唔止第1日。佢連續3日都清晒盒Lunch~
同哥哥比真係 ……. 我好安慰 ^^
一見到我就要抱~
我話唔抱喇。不如影相啦 (關咩事?﹗明顯坤水。hahaha)
細細果班早食過呔仔班半個鐘。接細細時。呔就差不多食完~
同Artin一齊坐。好開心~
放學lu~ Yeah~~~
同爸爸玩陣波~
入樽細﹗﹗﹗
以下既相就係我地閃左果陣。老師幫細細影既~
老師話班同學一話同新同學影相。個個爭住。
特別是班女仔。可能女仔都鐘意影相掛?﹗Heehee~
似乎細細呢班同學都比較向外活躍。GOOD~
有無咁得戚呀你?﹗XDDD
後記 : 我地返緊去接細細時。就撞到Ms Windy。
當然問佢細細頭先點啦~
佢話我地走後細細好開心喎。好Enjoy完全無扭計~
仲同同學影相 &玩~
食Lunch果時攪笑喇。佢見到隔離位有蘋果食。
走去問人地可唔可以比佢。。
Ms Windy聽到就話如果佢快D食完就比蘋果佢~
(蘋果係學校Lunch。我地帶飯既平時自備。但果日我無比佢)
之後食食下飯。佢趁人地見唔到。就伸隻手去攞人地一舊蘋果。
嚇到隔離同學O晒咀 wakakakak~~~
之後又驚。比返人地。仲同人地講話 "我同你玩之嘛~"
真係比佢激死﹗笑死Ms Windy。為食到咁 hahahaha
今日第3日返學。細細已經適應了~
接佢果時佢仲去左呔仔度。響飯堂同呔仔食Lunch~
好啦。睇完卜。Happy Friday!! 放假喇~~
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================