今天錯過了某家蛋tart店出爐時間，
於是改去其他餐廳！
見到這家餐廳門前的玻璃櫃內，
陳列著好多款式精美的蛋糕，
真係吸引著我的眼睛！
雙腳就不由自主的走過去欣賞蛋糕。
大部蛋糕都是大路款式 ！
但當中，有個淺啡色蛋糕，名字很長，
再看清楚，有海鹽喎，即係鹹的蛋糕囉。
我未試過呢，就點這個餐吧！

就座後，職員很快的送上食物。

法國海鹽焦糖純米蛋糕
三角形的蛋糕, 以透明膠膜包好
方便上碟, 亦給客人乾淨的形象.
淺啡色的cream，
藍莓，紅色的水果及朱古力片上有白色粉未。
就連內裡的糕底都是啡色呢！

側面有粒粒榛子碎碎.
海鹽在何處？？ 
先以叉子取一口。

Cream當然是滑啦，
味道都幾甜，可能就是焦糖味。
但啡色糕底口感有點粗糙，
唔係果d高密度的傳統黃色糕底，
加上無甜味，是否就是純米蛋糕
與淺啡色的cream有好大對比。

再"了"一下水果隔離有白色粉未的Cream.
原來是糖霜，還以為是鹽呢！

也許很少食西式cake, 
這個海鹽蛋糕，個人覺得cream太多。
如果cream比例少返dd, 可能口感會更好味。

鹽這種天然的調味品， 應用廣泛，
炒菜煮送必定會加鹽，
煲湯落鹽可作吊味，
食西瓜落鹽可提升甜味，
有款雪糕叫海鹽雪糕，
咖啡有時候會加鹽，
傳統涼茶鋪飲廿四味時，會提供鹽，以沖淡其苦味，
中式五柳甜酸汁加了鹽以中和刺刺的酸味，使甜酸汁變得醇和，
薯條的茄汁都係加左好多鹽，才會變得易入口，小朋友先至肯食嫁，
(少鹽的話，就即係漢堡包內的超酸茄汁囉.)

咁呢個蛋糕哪個部份落左海鹽？
鹽又如何為蛋糕提味？
食完仍未搞清楚呢！



餐飲-熱奶茶
即焗的breakfast tea, 茶底肯定香滑.
可是杯太大, 水份量太多, 溝淡左茶的濃度.
如果改用細一點的杯,
或者用2毎茶包, 應該會好飲好多.

這家餐廳的餐具是放在餐檯上，
由客人自行取用，
可是紙巾數量真是匱乏，呎寸又細，
想拎多張都無。

而且一個蛋糕套餐，
以前是40元有找，現在是 48元
未算最抵食呢！

============================================

感謝 問米婆 提供以上資料

問米婆 的網誌: http://www.openrice.com/zh/gourmet/reviews.htm?userid=50320141&city=hongkong

============================================