0

| b a b y |天天都是湊仔天 ♥ A DAY WITH ME & JENSONBB

小知 於 2015-08-31 00:00:00 發表  |  累積瀏覽 439

分類:

還記得上年生日時寫的A DAY WITH ME?(爬文按我)有讀者私者給我話覺得睇得好開心,彷彿像親歷其境跟我過了一整天,如果可以拍video更好…..可我真的未有時間剪片,不如照例牌來個A DAY WITH ME & JENSONBB 2D版本啦!已生BB的應該身同感受……..我跟妳們一樣,師奶的日子是這樣過的:

CIMG7642

話說由前一晚仔仔早訓左(9:30pm)開始,結果凌晨4am迷迷糊糊扭醒要飲奶,極速換片洗屁屁沖奶餵奶,仔仔好快飲左五安幾就暈左即刻訓返,我都跟手泵一泵奶差唔多5:30am陪訓,才剛入睡,話咁快到8am扭醒飲奶,我自己習慣每餐飲奶前都要先換片再飲奶,以前係調返轉,但後來發現飲完即刻放低換片會好易嘔奶,加上有時飲完奶抹下嘴即訓,換片好大機會再次弄醒。

最近飲奶開始飲到一半就扭下…..唔俾抱住飲了,要自己墊高訓低扶住奶樽飲(AVENT樽勁肥加上佢手咁細五、六奶咁重,邊拎到)。

CIMG7654

加加埋埋仔仔已經訓左十個鐘(如圖:一秒變臉!轉頭扮喊跟手又甜笑)如常換片沖奶飲奶掃風抱陣,今餐飲完唔訓了,陪玩播音樂陪傾計。er…..轉個頭唔小心嘔左少少奶,所以換左套衫仔。星期日理性的人放假,就順便叫醒爸爸起身陪仔玩嚕XD

CIMG7664

心情靚到………………………我相信大部份2,3個月的BB都一樣,飲飽奶一係就即訓,一係就放佢電一粒鐘一定即訓!陪玩成粒鐘後成功放電,終於訓得。這個時候我們就要爭取時間刷牙洗臉梳洗,因為打算寫這個A DAY WITH ME,所以都極速化返個妝,再晾衫摺衫做家務。話口未完轉個頭包都未咬到一啖仔仔已經醒左。(果然是與時間競賽….)

CIMG7677

因為預計BB起身時間11:30am左右飲埋奶我地就出發,所以一定要換定衫攪掂晒自己先。雖然只係落樓下商場食一個鐘左右午飯,不過出街五寶點都要帶定(尿片/被仔/紗巾/帶多套衫/濕紙巾)。飲飽出發的好處就是不用帶奶粉。好彩不用等位,由於有少少微微雨所以我們沒推BB仔,亦知道坐低食野所以沒有用揹帶,就這樣手抱出街,輪流抱,一個食完到一個….(與此同時,我亦飲了產後第一杯熱奶茶,嘩…….唔好飲既哈哈!)食飽返屋企重覆陪玩,傾計,聽音樂…

CIMG7689

玩得瘋狂時,突然停一停然後仔仔裝作去想痾臭臭的樣子,我都估到喇!即抱返入房準備逗屎,才剛拉開條片就已經痾左一篤仔……比平時的份量少,於是就逗佢痾多陣,無反應,咁就順便洗完屁屁洗白白啦!平時一至五是婆婆沖的,週末就是理性爸爸沖的,已經好熟手啦!

CIMG7697

洗完白白心情又靚爆!仲捕捉到左邊的串嘴樣。雙眼皮好深呀!右圖根本完全是爸爸對眼…….

CIMG7711

繼續陪玩陪傾計的時候,無野做又影下相,邊有BB唔扭計呀?當然不會全日都笑笑口啦,轉頭就扁嘴俾你睇,不過無眼淚既,係傳說中的假喊。

CIMG7719

抱下哄下抱下哄下抱下放落去麵包超人椅訓下玩聽下音樂,好不容易又到左要飲奶的鐘數,飲完奶又例牌掃風哄訓覺…….洗奶樽泵奶….

CIMG7737

訓下醒下訓下醒下訓下醒下訓下醒下訓下醒下……轉頭見佢心情靚返又未訓著,就放車仔玩陣,突然…….仔仔變臉!噢數小時前未痾完的便便終於趕上……(er……所以換片是有必要望鏡頭嗎?XDDD)換屎片抹屎眼的任務交給爸爸!我負責準備暖水,尿片,棉花,紙巾XD

CIMG7741

再陪玩陪傾計,這時我們都累了……………這就已經大半天了,時間過得超快的…..於是打給婆婆問及得唔得閒,哈哈轉頭就將BB推上去婆婆屋企,我們返自己屋企抖抖。距離晚飯時間還有一小時多,我們都終於有少少自己時間看看新屋的東東了,做自己野,執下張枱…..

CIMG7764

7pm上婆婆度食晚飯,食飽就返番自己屋企,8:30pm又夠鐘飲奶了,輪流各自沖涼,餵飽仔掃風抱陣…..又嘔左少少奶(又換衫XDDDD反正臨訓都會換返長袖~)再洗衫晾衫洗奶樽泵奶,好不容易哄到仔仔訓左陣,轉頭醒左再放電再陪玩陪傾計,攪到11pm飲多三安,終於訓了,湊仔的一天結束。

最後仔仔11:30pm訓到6am,6am起身同樣迷迷糊糊飲奶,換片沖奶餵奶再訓過,我又偷偷泵奶…..數小時後就到10:30am….再飲奶陪玩陪傾計…….etc…..

CIMG7774

哈!湊仔的日子就是這樣:)相信很多媽媽都會完全體會到!而幸運的是老公同婆婆都好幫到手,我才有時間在家工作,再加額外多少少時間寫自己喜歡寫的blog。雖然湊仔是重覆又重覆,但隨著仔仔一天一天長大,每個小動作都有微妙的變化,真不想錯過他每一個new face expression!而且講真現在BB都是食痾訓陪玩階段,間中仲可以放佢落車仔自己玩手指………….但接下來就要花更多時間和心思陪他成長了:) 希望工人姐姐黎到之後幫手做家務,我就可以輕鬆少少啦。

p.s.#講真平時邊有咁多時間影相又自拍(仲化左妝)又被拍呀,唔通仔喊爆仲掛住影相咩XD所以今次係機會難得!
A DAY WITH ME & JENSONBB :) 等BB再大個仔少少,我就可以一拖一帶出街同朋友仔gathering喇!等我出山呀~~~~

湊仔就是這樣囉 ♥  Love Life Enjoy Life

1,393 total views, 20 views today


============================================

感謝 小知 提供以上資料

小知的網誌: http://siuchi.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 514521

全部攻略 1237

全部回應 71