今個星期過得真係超快~踏入2015年1月開始
已經有好多活動mark定係月曆~好似日日都有事做
時間唔太夠用~就今個星期咁呢~有2日出席老闆家族飲宴
自己又要準備大掃除~快手快腳..好在剩返廚房未洗咋
加上老闆off會珍惜時間..陪足佢全日~唔會做私人野
過幾日就同埃及之友去camp~星期尾輪到返娘家做節
仲有年尾家族聚會~過年前要開始整糕..之後準備過年
團拜+好多飯局~呼! 唔係講笑..好似無乜時間hea(哈哈)
~ ~ ~ ~ ~ ~ ~ ~ ~ ~
上年12月..老闆舅父母咪返左黎既~除左歡迎飯局外
仲通知表妹2月會擺結婚酒~本身係外國已經攪左婚禮
不過香港有好多親戚~所以特登返黎擺喜酒一齊開心下
老闆舅母一家人真係超客氣~次次回港都有手信比我地
上次佢表弟無返..又托舅母送支白松露油比我(真係好有心)
今次老闆舅母除左當地手信~臨走又再買野比我地各人
最誇張..仲封埋過年利是~攪到我地都唔好意思呢
除左花旗蔘, 螺頭乾, 曲奇~仲買左支橄欖油
![]()
2月3日(星期二)~出席表妹既婚宴@德藝會
2月6日(Happy Friday)~老闆另一個舅父生日
佢表姐邀請我地去慶祝~人數唔少..包房訂左3圍酒席
佢2個表姐本身係女中豪傑..加埋個阿E(我稱之為"辣妹3人組")
依晚比佢地輪住灌左唔少紅酒~杯起杯落..好耐無飲急酒
好在杯杯頂到~不過老闆見我飲咁多..話不知幾擔心(滴汗)
依晚飯局真係好開心~雖然同佢d表姐唔係成日見
但大家係豪爽既人..所以好投緣~仲講定團拜再飲過喎 :p
老闆仲開心..佢幾個表姐係我面前不停讚佢有幾好+幾好
老闆話讚佢既其中一個表姐係教徒..係唔講大話架(唓! 哈哈)
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
