除左服飾..我同老闆都鐘意睇家品/家具~同埋..我好鐘意睇西廚刀
成日都想買把..耐用又輕又夠利既刀入廚~最緊要唔要磨刀
屋企就用緊"十八子作 & 陶瓷刀"~依然未滿足買刀慾望
所以好多時..商場有promotion賣刀~我都會特別留意
上星期五係商場睇到"韓國刀不奐萬用刀"~同老闆企定定睇
見佢連冰都切到..好似好勁! 加上佢個刀鋒係波浪形(=唔駛磨刀)
超勁想買~不過每次買野~老闆實叫我..停一停冷靜下先決定(衰!)
上星期六返娘家~忍唔住叫媽咪陪我再睇~仲即場試切粟米
掂喎! 比用陶瓷刀切過既原條粟米真係易handle
唔諗啦..把刀又唔係貴~加上老闆無係道阻住..買呢(哈哈)
依款刀特點係3D立體專利刀鋒設計~360度旋轉磨刀技術製造..刀刃堅硬
設有浮點防滑專利手柄..不跣手~仲要永不磨損..
(永久保用)
有普通刀款&玫瑰印花選擇~我個人覺得有印花比較特別
買刀送既廚具..有5大功能(刨皮,刨魚鱗, 起薯仔凹洞,開樽蓋及界蔥花)
1月26日(星期一)~依日特登買隻雞去試刀
將隻雞一開二..完全無難度
一雞兩食~依晚"浸鹹雞"
熟雞..肉軟骨硬都算ok易切~但雞脾骨要花d氣力先切到
又可能因為玻璃砧板~所以切既時候比較跣(因平時是剪雞的)
1月27日(星期二)~依日試切生雞肉~比熟雞更加易切
但同樣..雞脾骨要用力拉鋸幾回先切得開~切口好整體
除左骨類~其他食材都不費吹灰之力..極易切~仲可以當麵包刀用
之前睇promote切生果&洋蔥~標榜唔漏汁..切洋蔥又唔催淚
依日切個洋蔥整咖喱..work喎! 切有水份既果類都唔漏汁
是日晚餐.."咖喱雞"
有雞..薯仔..甘筍..車厘茄..豆卜
買左新刀之後~我叫老闆唔好再靜雞雞走入廚房
用雙手篤我條腰~因為次次篤我條腰..反應都好大
拎住新刀又篤腰~我唔知會唔會攪出人命架吓 =.="
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================