1月27日(星期一)~依日老闆off..朝早問佢想食咩早餐
佢話想食ABC餐~但我又唔係咁想食..加上太耐無去麥記
起碼都有成兩個月~突然好想食"熱香餅餐"..所以分開食囉
仲講定..食完先一齊去Bank~佢話食得快過我..過黎搵我喎
點知食完都未見佢出現~whatsapp又無回..打比佢又無人聽
起初諗佢可能去便便..但都無理由唔聽電話~個心即刻好驚
過去搵佢..又係唔見人~之後收到佢電話..原來去完bank
吼!! 真係激鬼死又嚇親~見到面噴佢仲笑喎~真係無佢咁好氣
最終兵分兩路..我自己去bank~佢就幫手買晒d日用品返屋企囉
~ ~ ~ ~ ~ ~ ~ ~ ~ ~
依日返娘家團年+媽咪生日飯~原本想係agnes b買cheesecake比佢食
不過依家出入娘家多數會坐的士~費事又特登停一停去買
記得Aeon Store有間handmade朱古力~印象中有"壽桃朱古力"賣
所以前一日買定當少少慶祝~感恩!! 好在賣剩仲有一粒
再揀多幾粒唔同款~下午食朱古力當小吃..不過真係好甜漏
![]()
近依兩年..媽咪係位元堂睇中醫調理身體都八八九九
醫師叫佢買"石斛"打粉沖水飲~可以唔駛睇..繼續調理身體
媽咪飲左2個月都話好好~明顯面色有光澤~個人無咁dry
咀唇都無以前咁乾咁易爆~所以我去相熟中藥房搵太子仔介紹
品種有4款選擇~價格由$380-850/兩~當然越貴膠質含量越高
所以我買左二兩最頂級既比媽咪~打埋粉送比佢當生日禮物
媽咪係咁問幾錢..我都唔講~費事佢唔肯要(不過佢話一飲就會知喎..哈)
加上最緊要飲左真係覺得好~我都會長期供應呢^^
![]()
前一日特登趕住整起晒d糕~打算依日每樣拎一份比佢地
媽咪見到金元寶好攪笑~話係老闆FB見到..仲話好味呀ma(哈哈)
![]()
坐下傾下又講下..當然又裝下妹妹係竇做咩呢
依日妹妹心情ma ma地喎~媽咪話佢差不多M到
次次M前都好燥架~所以摸下佢..聽到古古聲即縮手
知佢心情極度不佳..費事比佢咬~之後無再裝佢lu
![]()
睇下衰妹妹個樣幾唔好老脾~好似話我煩住佢咁(哈哈)
![]()
坐到差不多6點出去食飯~之前係荃灣"翡翠拉麵小籠包"食過好有水準
所以諗住同爸媽試下~不過PopCorn果間分店..服務差又唔好食
食完返娘家坐陣就走lu~早少少等老闆返去休息..聽日仲要返工呢
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
