1月5日(星期日)~早排好多"郊野公園"既新聞~如果依個爛政府要攪野
香港既綠林會買少見少~估唔到因為咁..推動到老闆再出動去行山
擁有真係唔代表永恆~要好好珍惜+欣賞..香港美好既大自然環境
話時話..真係好耐無行山啦~有時叫老闆行下呢..佢又懶得郁
依日終於主動話行山~久違了行山活動~我地放到最慢腳步
慢慢欣賞周遭既每個角落
~ ~ ~ ~ ~ ~ ~ ~ ~ ~
近排好多人迫去大棠睇紅葉~其實好多郊徑都有
只不過無刻意種植一整排咁靚咁吸引~其實城門唔同角落都有
部份會種植係下泥路~依棵就種植係石屎路呢
如果時間早..會見到好多人企係樹前面~閉目吸收樹既靈氣
依種都係生活減壓既方式之一~我覺得最緊要自己覺得舒服
做咩都唔需要..在乎人地既眼光~人生亦應該如此
溪澗既水流動唔太大~可以見到周邊樹木既倒影
古裝片經常取景既地方~冬夏景象既分別好大
冬天雨量好少~水位都下降左好多好多(可以行走)
如果夏天既時候..水位會浸過巨樹濃密既腳根部份
我真係好鐘意睇巨樹粗壯既腳根~好有生命力
夏天同樣會浸過晒所有腳根部份
見老闆都四圍貢..影左好多相~其實都好開心
因為以前佢唔鐘意影相~依家變得好熱衷呢
依日行程好緊密~行完山要去花墟買植物~因為屋企有部份已經枯黃
加上唔想太近新年先添換~所以依日利誘老闆去花園街食地道小吃
之後買植物返屋企~佢聽到食野好雀躍..買完植物再獎佢食"臭豆腐"(不過依家D臭豆腐唔好食)
返屋企攪掂d植物之後~梳洗完..又趕住出去飯局lu
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================