4月9日(星期一)~話咁快..復活節假期最後一日lu
依日見天氣都幾好..起碼唔落雨~所以同阿喂去郊外野餐
對上一次野餐~原來已經係上年10月啦"秋日野餐樂"(<~click)
感覺好似剛剛去完咁~但原來已經係半年前既事(時間過得好快呢)
依早起身唔去飲茶~諗住早d去買料..直接上城門水塘開餐
加上上次好多人ma~今次想早d上去..揀返個靚位囉^^
係屋企收拾好用品~我地10:30am就出發去街市買食物
買完剛好11:30am..打的直接上城門水塘燒烤場
咦~!
依日超少人喎~我地去返上次坐果個區(包場啊..勁!)
今次揀坐大榕樹下~雖然我熱愛大自然..但真係好驚昆蟲呀(哈哈)
下層都無人
今次準備左"青口"
"大蜆"..浸左2個半鐘等吐沙先食得
阿喂獨享既"牛仔骨"
係超市買既"雞翼"
+ "豬扒"
唔經唔覺..都hea食左3個幾鐘~d食物全部清晒^^
之後再去松記食甜品~依日好多人..我地坐張勁迫既檯
超唔舒服..食完即刻走~松記只可以話抵食..水準就唔掂囉
食完甜品..晚餐準備煮粥餐~清清依幾日既腸胃^^
眨下眼..四日復活節假期完結lu~又回復正常生活呢
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================