2月18日(星期三。年三十)~依日要買2日餸
除左團年飯~仲買定聽日"大年初一..全素日"既餸菜
個街真係超勁多人~由其街市..好在主要入去買齋菜
買完即刻走~係一田+Aeon超市慢慢再買~少人好多呢
上星期係安記買定幾盒鮑魚+罐裝鮑魚~用黎送禮+自己食
團年飯原本諗住整二人盤菜~不過驚份量太多
黎緊幾日又密密食..所以都係唔好lu
加上依排心理上預定有好多飯局~所以好自然
每餐都話食少d..黎緊好多飯局~變左每餐真係食少左(哈哈)
* * * * * * * * * *
兩口子團年飯..先黎"冬菇蟲草花螺頭湯"
有冬菇,蟲草花,螺頭乾,瑤柱,金華火腿,甘筍,瘦肉
"溏心鮑魚伴釀海參"
我鐘意食依款6頭鮑~即開即食好方便
一盒剛好同老闆每人三隻
依款係"急凍墨西哥刺參"~肉質好厚..口感爽
入面釀左墨魚膠~兩款食材都係爽彈口感
蒸熟再淋d鮑魚汁..攪掂!! 又係好方便
"欖菜鹹肉炒年糕"
久唔久..我會煮韓國年糕(唔煮飯)同老闆當晚餐食
仲有半pack年糕剩..所以清埋佢~不過雪完乾到斷裂
唯有開邊再切半..細細粒炒~配料有欖菜, 金華火腿粒
青紅尖椒粒&唐芹粒..好惹味~依晚份量預得剛好..正!
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================