1月2日(Happy Friday)~媽咪湊大既小男孩(阿B)
上年同我聯絡過~話12月會返香港..到時搵我飲茶
我仲同佢講~好! 到時有時間想邀請佢黎home聚
不過臨返香港前2個星期~見佢係FB表達既情緒極差
我無諗住主動搵佢~我理解..時下既年青人好怕比人煩
所以等佢心情好先搵我囉~上星期原來媽咪同佢地見過面
媽咪聽我提過話搵佢上黎食飯ma~所以隨口問佢幾時得閒
真係好隨意..約左依日~當時我都唔肯定..佢真定假定應酬
~ ~ ~ ~ ~ ~ ~ ~ ~ ~
前一日私下whatsapp問佢係咪ok~以防佢其實唔想出呢
啊?! 原來佢係一個講得出..做得到既男仔喎(excellent)
既然上黎..又知佢鐘意飲酒~所以早d買定白酒+啤酒
等佢飲左酒放開心情傾~講真..一年都無同佢傾多過2句
只係默默係FB關注佢生活~因為唔想太多事去打擾佢囉
依日中午同媽咪食完lunch就買餸~媽咪話爸爸唔黎ma
下午突然打比我..話係我home樓下~接左爸爸上黎一陣
阿B五點幾都到lu~坐住傾下計..等老闆收工返黎就開飯
~ ~ ~ ~ ~ ~ ~ ~ ~ ~
由細到大..影響埋阿B鐘意食咖喱~依晚準備咖喱晚餐
好在爸爸平安夜整多d汁比我~簡單加d食材就攪掂
除左雞..仲有少少牛~咖喱牛腩係爸爸昨日整定比我既
另外..整個"椒鹽蝦"
"香草蒜茸包 & 法包"
"沙律菜 & 楊桃"
阿B係澳洲畢業後..出黎工作左一年
今次回港..會留係香港發展~不過要係香港考一次醫護科牌
先可以承認資格~當年完全唔理解..佢點解咁想做醫護人員
原來佢個抱負係最想幫人~講真..今時今日既年青人
好少會咁諗~通常想用最少時間搵快錢..仲要唔辛苦得喎
所以聽完佢既心聲之後~真係好安慰..佢真係好乖好成熟
飯局原本12點就散~老闆送爸媽去坐的士
送埋阿B坐車就完成任務~點知..阿B漏左電話
我追落去比返佢~之後..佢又話要送返我地返屋企
我估佢飲唔夠定啦~所以再買少少酒陪佢傾計+飲
唔覺唔覺..依晚都飲左好多(2支白酒+1支紅酒+4支大啤+10罐大啤)
老闆飲到1:30am頂唔順瞓左~我陪佢傾到4:15am先走
最攪笑..傾返細個d野~佢話去過老闆屋企(我地唔記得啦)
打winning時比老闆蝦~仲講到繪影繪聲有埋情節
真係好鬼好笑~我即刻話老闆..咁衰架! 打機洽細路
依晚真係好開心+好感動~我都親口同佢講
講真..已經當佢係半個細佬~其實好關心佢囉
第一次走既時候..見佢會主動hug我~的確好感動
希望佢順利考好個牌~好好係香港為有需要既人服務呢
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================