11月21日(Happy Friday)~依排天氣涼涼地
又可以係屋企慢食火鍋~早前係Aeon買過"油甘魚"滾南瓜湯
滾兩滾..湯底好快變奶白~所以依日encore買"油甘魚"
前一日煲開湯..留定少少甘筍及一條粟米~依日加份白蘿蔔
火鍋晚餐..有預先淆製好既"胡椒油甘魚湯鍋"
用大量薑及白胡椒碎去滾~辣辣地感覺好驅寒
火鍋之前~我地先飲魚湯..零味精好健康
火鍋料..有老闆最like既"脆鯇腩"
今次幫襯另一檔鯇魚佬~因為唔like買開果檔..成日搭頭搭尾
同埋..d婆婆叫佢平少少就鬧人~服務態度又好惡囉
依間既品質都唔錯~肉質脆彈有魚油香
經過蝦佬果檔..見有"馬刀貝"
因為唔係成日有來貨~所以叫蝦佬個妹"蝦妹"
幫我執幾隻做火鍋料
洗佢果陣仲勁郁+伸脷..嚇死我(阿彌陀佛)
另外..有我最愛吃既"太平洋桶蠔"
買蠔會指定去某檔~因為佢d蠔全部係爽口既
依家最怕係街叫"桶蠔"~遇著劣貨..d蠔勁粉勁難食
離開街市..再去魚蛋粉麵檔買"魚皮"
之後..再去Aeon買pack牛肉比老闆
我成日同老闆講~買一餐餸唔易..因為要走幾個場
蔬菜有"淮山&芥蘭"~準備刨淮山..老闆話hold住驚食唔晒
好在真係無整~火鍋料除左蠔+馬刀貝..其他都食剩
我幾鐘意食依款大芥蘭~近排來貨多左
d葉大片到可以當扇用~莖部先刨表皮再切片..攪掂
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================