2月7日(星期六)~老闆話好耐無食放題..有幾個月了喎
原本想係荃灣開左無耐+食評ok既"瀛喜日本料理"試下
因為好爆..星期初開始打去book檯~點知日日都無人聽
昨日終於有人聽~但6:00pm無晒..得返8:00pm(唔考慮啦!)
順便問下佢..做咩成日都無人聽電話? 佢話太多電話接唔切
本身接線一刻+答人問題既態度..已經唔好~所以收線後
我同老闆講..依間我唔會考慮去試~最終揀去"大喜家日本料理"
~ ~ ~ ~ ~ ~ ~ ~ ~ ~
食店環境好ok..座位空間感比一般放題寬敞舒適
不同時段..不同價錢~我地揀6:00pm($198/2小時)
刺身魚類+甜蝦新鮮~其他無乜鮮味..部份仲有雪味
"韓式炒蜆"..醬料帶少少酸+極微辣~蜆嫩..味道ok
"青芥末青口"
除左芥末仲有沙律醬~味道較甜..微微芥末味唔嗆
"柚子蘿蔔"..燜得夠腍~同一般燜蘿蔔味道差不多..食唔到柚子味
壽司類..飯糰夠實淨但無醋香~食材味道普通
"天婦羅類"..新鮮即炸夠香脆~蝦好細隻..粉都比較厚
"吉列蝦"..同樣蝦身好細隻~夠脆口但比較油膩感
"芝士年糕"..淡淡芝士味口感軟糯~但都係較油膩感
"牛仔骨"..老闆話普普通通
"燒雞腎"..有陣雞羶味
"雞軟骨"..燒物中依個最好味~調味又夠
"燒雞中翼"..依個都唔錯~夠鹹香入味
"芝士焗元貝"..除左芝士仲有沙律醬
元貝嫩口..沙律醬味比較出~整體味道ok
"燒粟米 & 燒翠玉瓜"~粟米無味唔甜..翠玉瓜無乜特別
"燒蝦 & 番薯"..蝦都幾大隻~有鹽香..肉質幾彈牙
"海膽手卷"..飯無醋香~紫菜新鮮脆口..海膽味淡
任飲都幾多選擇~有啤酒及多款汽水..任飲清酒(+$)
除左剔紙仔..仲有自助沙律bar及甜品(飲品櫃係旁邊)
有3款沙律菜..cheesecake/雪糕~自助區食物我地無食
放題食物款式是多是少~好睇個人岩唔岩食
依晚點左好少食物~整體環境ok~食物水準好普通
有漏單及cut order情況~而服務亦一般
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
大喜家日本料理
割烹 櫓杏 Kappo Ro Ann
鮨千寿(尖沙咀店)
木戶 KIDO
Shibui 洋食屋
風雲丸
源峰 Mizutani
鶴亀