5月3日(星期六)~依朝無出去食野..大半日留係屋企
食完home breakfast..tea time再食甜品~等老闆可以盡hea
係屋企多d時間休息下~下午問定佢夜晚想食咩? 佢話韓燒
咁岩我都想食喎~之前已經想去山林道果間"BBQ 7080"試
依家本區開左新分店"BBQ Military"..咁就唔駛特登出食呢
![]()
店舖特色..有個機械人公仔打招呼
裝飾佈局主題岩晒老闆~因為佢好like迷彩
整個場設計到好war game feel~出入口旁仲有射擊遊戲玩
有得食又有得玩..好有新鮮感~服務員除左香港人..仲有韓國人
安坐後..送上前菜(每人一份)~當中包括泡菜,蓮藕,洋蔥生菜,豆腐
泡菜+洋蔥生菜有不停refill~不過泡菜味道偏鹹
新店未有酒牌~暫時自己拎酒去都唔收"開瓶費"
生菜+配料都有refill
食店送既"韓國生蠔"..頭一round由韓國人幫我地燒
仲講解燒到最理想熟度~可能確保食物水準唔會overcook
所以會向客人講解~依個蠔好鮮~仲有個伴蠔醬料..好味
"烤魷魚"..依個都唔錯~烤既時間好快熟
肉質軟腍唔韌口~伴配料+醬料同食..好味
"特級雪花肥牛"
老闆話有牛味..但整體唔算好特別
"韓醬五花腩"
五花腩好好味~醃料好惹味~老闆話豬仲好食過雪花肥牛
整體食物+服務都好唔錯~而換燒烤板仲會好密手
食完去玩槍~左邊玩長槍..右邊玩短槍
支長槍好鬼重~老闆兩款都玩過..我只係玩長槍
因為支短槍壞壞地..成日射唔出子彈~不過真係好好玩(哈哈)
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================