龍門客棧

10月6日(星期六)~依早無去飲茶..因為好想食拉麵

所以等到11點幾..先同阿喂出去"味千拉麵"食野

都有2年無幫襯啦~今次再去..d食物有返d水準喎

食完野..阿喂話要趕返屋企自由活動一陣先

等晏少少..再去沙田行街~行完就去食晚飯lu^^

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

依晚揀去"Regal Riverside Hotel - 龍門客棧"

食店好中國style..格調幽雅~地方唔算好大

但座位都好寬敞舒適~而服務都好唔錯呢




心形茶杯



另奉上"前菜"



我地點個.."南翔小籠包(一客)"

上檯打開蒸籠蓋~蒸氣隨即急促四散..超熱辣辣



每粒"小籠包"安坐係吊椅上

賣相好精緻而且方便易拎



皮層好薄~豬肉餡鬆軟..仲有泡湯汁



"生煎鍋貼"



底部煎得金黃香脆~豬肉餡料同樣好鬆軟..皮層夠薄唔笠口



"薺菜烤冬筍"



薺菜茸口感好滑..味道帶淡淡清香

冬筍夠脆嫩~配搭上除左吸引外..味道亦非常好



"三杯酒雞煲(半隻)"



醬油味好突出..濃郁夠惹味~酒味都食到..淡淡唔會太搶

雞件爆得好乾身..完全入晒味~但肉質有d鞋口



"生煎包"



底部又係煎得金黃香脆~包身好軟綿綿..餡料同樣鬆軟



整體食物有質素有水準..好唔錯呢



晚餐總消費:$407  (HSBC 20% off)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================