2月18日(星期六)~2月頭..已經約實既"老表飯局"聚會
對上一次飯局係上年4月啦~仲揀正間超唔掂既"JW"(<~click)
今次由表弟做攪手..佢話食Buffet/BBQ~見BBQ地點比較偏
所以我預先揀話食buffet~而大家都無意見..所以就一致通過
依日去機場Marriott
Hotel既"Skycity Bistro"食buffet呢
其實都有擔心~話晒又係同一間酒店..上次既經歷超刻骨銘心(難食!!)
今次見表弟話marriott
card有半價優惠..所以去試下囉
地點近"機場博覽館"~依日人流都好多~"餐飲"係自斟任飲的
食物選擇其實比較少~但都有"生蠔"
生蠔幾鮮味~開完一輪再開一輪..較為衛生
"長腳蟹"..好細隻但肉質都可以(依晚大家都不其然同jw作比較~相對依間算好少少)
海鮮類仲有青口,蝦..味道普通
刺身類..除左"三文魚"算可以之外~其他都唔ok(好大陣雪味)
"冷麵"
沙律菜..新鮮爽脆
"煙三文魚"..味道+肉質好好~唔會偏鹹
熱盤有中式類..點心+粉麵等等~但全部無試
西式類都好少而唔吸引~另外印度類有"咖喱"
"咖喱豆"(前).."咖喱魚"(後)~有咖喱香..豆比魚更好食
"印度炒飯"..夠乾身夠香~唔錯呢
"烤包"..有蒜茸及原味~味道普通帶點硬
甜品類..好少選擇~仲聽聞雪糕好甜而味道一般..所以無試
但整體甜品甜度剛好~味道都ok唔錯~"cheesecake"..芝士料好滑
依個味道都唔錯..又係唔太甜
朱古力味夠香濃~口感好軟身
燉蛋面層加左芝麻~味道好香好突出
乾果類.."芒果乾"食得最多(靚貨)
菠蘿乾太甜..另外有4款芝士及大約5款麵包
車打芝士味帶苦~辣椒芝士帶淡淡辣味..味道都可以
"阿波羅芝士"..質地軟身有菠蘿甜香
整體食物雖然比JW好d~但選擇好少而食物質素算普通
酒店環境+服務都ok唔錯~但唔會再encore囉
dinner
buffet : $250/位 (marriott card 半價優惠..折扣後)
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================