10月5日(星期三)~重陽節..朝早要去阿喂家族拜山
攪掂晒我地就走lu..原本諗住過去APM先食lunch
不過阿喂記得我講過..搵日dinner會同佢去食"肉骨茶"
反正想去果間"肉骨皇"係香港區~所以臨時轉去食呢
食店位於大坑~沿路行上去既環境唔錯..好多唐樓式住宅
而且食店都唔少..部份好有特式+有間懷舊既大排檔冰室
都好想搵次去試下~而且該區既環境都好寧靜舒服
"肉骨皇"食店雖然唔算大~但地方好乾淨+整潔舒適^^
阿喂好鐘意食肉骨茶架~就係成日聽佢講..先搵間同佢試囉
"肉骨茶(細)"..上檯後焗煮一陣~由服務員取走煲蓋就食得
肉骨茶附上"油條粒"..份量好少而且腍晒
2人份量既細煲~其實唔係好多..豬骨肉質好軟腍又夠肉味
另外仲有豆卜及枝竹
藥材湯夠濃~而且當歸味仲好突出..係香港食到依d水準算唔錯呢
阿喂點個飯送肉骨茶~白飯既份量超少($10/個)
另外叫個.."星洲炒粿條"
海鮮料有蝦,魷魚等等
完全唔夠味又無鑊氣~炒得唔香口又唔惹味
整體食物之言..肉骨茶算濃~但都比較港式口味
粿條就真係無黎水準~服務都好ok唔錯呢
午餐總消費 :
$152
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================