6月13日(星期六)~依日未到6點就醒左啦
望天打卦..睇下咩環境先~因為早上會安排去"旗津"半日遊
話晒戶外地方最怕又黎落雨囉~見個天..都總算有d陽光喎
好過前一日剛到步~差不多整日都落雨~真係咩mood都無晒
安安樂樂再返瞓多一陣..9:15am攪掂晒就出發lu
亂行亂撞..搵到個平民街市~所以入去貢下影下相先
點知比依個阿姐好惡咁鬧~話依道唔影得相又咁咁咁~無計!
唔係自己地方~say個sorry咪走囉~不過街市點解唔影得先?
入面好多野賣~不過行完依個街市都同阿喂有同一反應
就係好多虱跳左上腳~好鬼痕!
行到尾段轉返去大路坐捷運
旗津區係"西子灣站(O1)"再轉渡輪~到左"西子灣"我地先去食早餐
阿喂要個"養生五行時菜烏冬"~另外加錢轉餐..附有餐湯及多士
個蒜香多士都唔錯
洋蔥忌廉湯都幾好味
另外再叫個"金桔檸檬"..味道調得好正
我要個"榛果拿鐵咖啡"~味道好香濃
再叫個"起酥花生厚片"
花生多士上再放片酥皮一齊焗~味道都OK(早餐消費NT$300)
食完準備出發..就開始勁大雨~所以係餐廳hea一陣
諗住等停雨再行~點知hea左20分鐘依然未停過雨
無奈..同阿喂商量好~唯有先轉一轉行程呢
(待續)
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================